СИА хаартыската.
2023 сыл сэтинньи ыйыгар Дьокуускайга Лонгинов аатынан уулусса 28Б дьиэ таһыгар турбут «Тойота Хайс» массыына умайбыта.
Киэһэ массыына хаһаайына дьиэтин таһыгар массыынатын туруорбут. Сарсыарда эрдэ киниэхэ аймах кыыс эрийэн массыына умайа турарын туһунан иһитиннэрбит. Эр киһи сүүрэн тахсыбыт да, массыынатын үрдүгэр баар саппаас көлүөһэлэр умайа туралларын көрөөт сиргэ быраҕаттаабыт. Суһаллык кэлбит баһаарынайдар массыынаны умуруорбуттар. Эспиэрдэр этиилэринэн, массыына умайан тахсыбыт буолан, сатаан өрөмүөннэнэр кыаҕа суох эбит. Массыына сыаната 1 507 000 солкуобайга тэҥнэһэр. Эр киһи «Светлый двор» диэн салайар хампаанньаны суукка үҥсүбүт. Суут баһаар тахсыбыт биричиинэтин быһаарар сыалтан ааспыт сылга баһаарынай-тиэхиньиичэскэй эспэртииһэни ыытарга быһаарбыт.
Салайар хампаанньа буруйун билиммэтэх, ол курдук массыына собуоттанан турбутун бэлиэтээбиттэр. Ону сэргэ массыына иһигэр түргэнник умайар матырыйааллар бааллара биллибит. Эспиэр быһаарбытынан, элбэх кыбартыыралаах дьиэ тиэргэнигэр баар остуолбалаах лаампаттан баһаар тахсыбыт сүрүн биричиинэнэн буолбут. Лаампа куорпуһун иһиттэн умайан, ууллан, уотунан таммалаан массыына үрдүгэр баар саппаас көлүөһэлэри уулларан баһаар тахсыбыт. Онон Дьокуускайдааҕы куорат суута быһаарбытынан, «Светлый двор» салайар хампаанньа 979 667 тыһ.солкуобайы массыына хаһаайыныгар төлүүрүн туһунан уураахтаабыт. Бу туһунан СӨ Үрдүкү суутун пресс-сулууспата иһитиннэрэр.
Ааспыт сыл түмүгүнэн Айсен Николаев федеральнай таһымҥа эрэгийиэннэр ортолоругар 10 саамай көхтөөх баһылыктарын ахсааныгар киирдэ.…
Мэҥэ Хаҥалас оройуонун 100 саастаах олохтооҕор 1 мөлүйүөн солкуобайы туттардылар. Аллараа Бэстээх бөһүөлэгин олохтооҕо, Аҕа…
Дьокуускай маастар-былаанын олоххо киллэриини тохсунньу 14 күнүгэр, оптуорунньукка, Ил Дархан Айсен Николаев уонна куорат мэрэ…
Саха сиригэр билигин аҕыйах кэрэ аҥаар саҕынньах кэтэн сылдьар курдук, дьон үксүн пуховик куурканан кыстыыр.…
Саха сиригэр 2025 сылга 500 массыынаны гаас уматыкка көһөрүөхтэрэ. Бу туһунан Бырамыысыланнас уонна геология министиэристибэтигэр иһитиннэрдилэр. 2024…
Дьокуускай куорат «Хаҥалас хапсаҕайа» норуоттар икки ардыларынааҕы турниры ыытарга бэлэмнэнэр. Барыллаан турнирга аҕыс судаарыстыбалар бэрэстэбиитэллэрэ,…