Салама суолтата

Маны билэҕит дуо?

• Салама — айыы далаһата, дьолу, уйгуну тардар.
• Айыылар сиргэ үктэммэттэр, онон саламаҕа олохсуйаллар.
• Салама бу сири тыытыма, ытыктаа диэн бэлиэ.
• Дьайы, куһаҕаны киллэрбэт, үрүҥ санаа утаҕа.
• Саха киһитэ айылҕалыын чугасаһар, кэпсэтэр бэлиэтэ.
• Дьону харыстыыр суолталаах.
• Салама саҥа тыыны биэрэр.

Салама ыйааһынын сиэрэ-туома өбүгэлэрбит итэҕэллэригэр, олохторугар-дьаһахтарыгар улахан суолталааҕа. Бу туом дойду иччитигэр сүгүрүйэн, сайылыкка көһүү кэмигэр оҥоһуллара. Салама ыйааһынын сиэрин-туомун аҕам саастаах киһи толороро. Кини аал уоту арыылаах саламаатынан айах тутан, илин диэки хайыһан туран, Дойду иччититтэн уйгуну-быйаҥы көрдөһөрө. Ол эрэ кэнниттэн саламаны ыйыыллара.

Саха ыалын халандаарыттан

«Айар», 2007 с.