Ойуур баһаарын умуруорууга салгын аала Үөһээ Бүлүүгэ, Алдаҥҥа, Мииринэйгэ үлэлиир

Арассыыйа ЫБМ салгын аала Үөһээ Бүлүүгэ, Алдаҥҥа, Мииринэйгэ үлэтин салгыыр. Авиалесоохрана иһитинэрбитинэн, өрөспүүбүлүкэҕэ 159 ойуур баһаара бэлиэтэнэр, уот хаппыт уопсай иэнэ 865 тыһ.га.

Суукка устатыгар аҕыс баһаары умуруорбуттар, түөрдү бохсубуттар (уот хаппыт иэнэ 75 тыһ.га). Уоту утары охсуһууга 1 924 киһи, 163 көлө үлэлээбит. Нэһилиэньэлээх пууннар тастарыгар 11 ойуур баһаара бэлиэтэнэр. Бу Алдан, Өлүөхүмэ, Ленскэй, Үөһээ Бүлүү, Бүлүү улуустарыгар.

ЫБММ Саха сиринээҕи управлениетын начаалынньыга  Павел Гарин иһитиннэрбитинэн, сүрүн күүстэр нэһилиэнньэлээх пууннары уоттан көмүскүүллэр. Кутанаҕа, Дабааҥҥа, Быракааҥҥа баһаары умуруорааччылар уонна РФ МЧС быыһааччылара үлэлииллэр. Салгын аала Үөһээ Бүлүү, Алдан, Мииринэй улуустарыгар үлэтин салгыырын туһунан кини этэр.