Хаартыска: SakhaGov
Саха сиринээҕи авиахампаанньалар Росавиация куонкуруһугар субсидиялары ылыыга сайаапкалары түһэрдилэр. Түмүктэр муус устар 20 күнүгэр биллиэхтэрэ.
Ол туһунан өрөспүүбүлүкэ тырааныспарга уонна суол хаһаайыстыбатыгар миниистирин солбуйааччы Ольга Рафаилова эрэгийиэн баһылыгын уонна бырабыыталыстыбатын дьаһалтатын социальнай ситимнэригэр быһа эпииргэ иһитиннэрдэ.
«Өскөтүн авиахампаанньа субсидиялаах таһаҕаһы таһыы бырагырааматыгар кыттарга сүүмэрдээһини ааһар буоллаҕына, маннык билиэт сыаната көтөр дьоҥҥо уларыйбат. Куонкурус түмүгэ быһа барыллаан муус устар 20 күнүгэр биллиэҕэ. Кинилэр федеральнай сүүмэрдээһини ааһалларыгар эрэнэбин”, – диэтэ миниистири солбуйааччы.
2025 сыл кулун тутарыгар салгын тырааныспарын федеральнай агентствота 2025 сылга федеральнай бүддьүөттэн субсидияны (825,6 мөлүйүөн солкуобай суумаҕа) көрөргө эбии сүүмэрдээһини биллэрбитэ. “Якутия”” уонна “АЛРОСА” хампаанньалар сайаапка түһэрбиттэрэ.
Ольга Рафаилова иһитиннэрбитинэн, куонкуруска дойду бары хампаанньалара кытталлар. Быйыл субсидиялаах рейстэр 29 маршрукка туһаныллаллар. Олор ортолоругар “Якутия, “АЛРОСА” уонна “Аэрофлот”, “Сибиир”, “КрасАвиа” эрэгийиэннээҕи салгын хампаанньалара бааллар.
Миниистири солбуйааччы ону таһынан “Уһук Илиҥҥи субсидиялартан” ураты атын чэпчэтиилэр баалларын санатта. Ол – 23-гэр диэри саастаах ыччакка, биэнсийэлээхтэргэ, I уонна II группалаах инбэлииттэргэ, элбэх оҕолоох дьиэ кэргэттэргэ уонна нэһилиэнньэ кэккэ араҥатыгар. Быйыл тохсунньу 1 күнүттэн салгын хампаанньалара бары 12-гэр диэри саастаах оҕолорго чэпчэтии көрүөхтээхтэр. Саха сирин хампаанньалара бу быраактыканы хайыы-үйэ туһаннылар – оҕолорго билиэттэр 50 бырыһыан чэпчэтиилээхтэр.
2025 сыл ыам ыйын 1 күнүттэн “Дальний Восток – Земля приключений” Бүтүн Арассыыйатааҕы III куонкуруска…
Физкултуураҕа Бүтүн Арассыыйатааҕы үөрэнээччилэр олимпиадаларыгар кыттааччылары арыаллыыр дьоҥҥо аналлаах «Эт-сиин өттүнэн иитии аныгы систиэмэтигэр Арассыыйа…
"Анимур" норуоттар икки ардыларынааҕы анимационнай киинэ бэстибээлигэр сайаапкалары ылыы саҕаланна. Быйылгы бэстибээл Хабаровскайга сэтинньи 1-4 күннэригэр…
Ааспыт өрөбүллэргэ Кэбээйи сэлиэнньэтигэр киэҥ Малыыда эбэҕэ "Сылгыһыт күнэ-2025" улуустааҕы тэрээһин буолан ааста. [gallery ids="204973,204974,204975,204976,204977,204978,204979,204980,204981,204982"]…
Александр Еликов уонна Алексей Жирухин хамаандалара "Россия: от края до края" эспэдииссийэлэрин бастакы түһүмэҕэ түмүктэннэ.…
Горнай улууһун Атамай агро-оскуолатын үөрэнээччилэрэ кыһыннары күөх үүнээйини олордоллор. 2023 сыллаахха Ил Дархан гранын ылбыт…