Салгын суудунатын хамандыыра сууттанна

 Уус-Маайа улууһун суута олохтоох киһиэхэ анаан буруйдуур бириигэбэрин таһаарда.

Кини РФ Холуобунай кодексатын 263-с ыстатыйатын 1-кы чааһынан (салгын тырааныспарын туһаныыга куттала суох буолуу быраабылаларын кэһии) буруйу оҥорбутунан билинилиннэ. Суут быһаарбытынан, 2024 сыл атырдьах ыйыгар Ан-2 салгын суудунатын хамандыыра Уус-Маайа улууһугар баар «Солнечнай» көтөр-түһэр былаһааккаттан көтөн тахсарга төрүөтэ суох быһаарыыны ылыммыт. Көтөн иһэн, салайар кэмигэр алҕаһы таһаарбытын түмүгэр сөмөлүөт хайа сиһигэр охсуллубут. Ан-2 салгын суудуната алдьаммыт, ол түмүгэр бас билээччигэ 3,8 мөл. солкуобай кээмэйдээх хоромньу оҥоһуллубут.

Суут сууттанааччыга 150 тыһ. солк. кээмэйдээх ыстараап анаата. Бириигэбэр сокуоннай күүһүгэр киирэ илик, диэн Илин-Сибиирдээҕи тырааныспар борокуратуурата иһитиннэрэр.