Саллаат аартыга

Share

Уус Алдан улууһугар Найахыга «Саллаат аартыга» ытык миэстэ СӨ Ил Дархан гранын өйөбүлүнэн саҥардылынна.

Бу  «Балыктаах» уопсастыбаннай тэрилтэ Айталина Готовцева «Знать, чтобы помнить» бырайыагынан 2023 сыллаахха куонкуруска кыайбытын түмүгэр ситиһилиннэ. Ол курдук, Аҕа дойдуну көмүскүү барар биир дойдулаахтарбытын сэриигэ атаарбыт ытык миэстэ — искибиэр саҥардыллыыта, сэрии, үлэ фронун кыттыылаахтарын сырдык мөссүөннэрин үйэтитэр стела туруоруута,  күрүөтүн уларытыы, умуллубат уот макета, паннолар оҥоһулуннулар. Найахы модельнай бибилэтиэкэтин видеопуондатыгар харалла сытар эргэ кассеталары аныгы форматка көһөрүү, бибилэтиэкэ оргтиэхиньикэтин тупсарыы уо.д.а үлэлэр ыытылыннылар. Бырайыак үлэтин чэрчитинэн кэнчээри ыччаты патриотическай тыыҥҥа иитиигэ, кыраайы үөрэтиигэ Найахы орто оскуолатыгар, «Чэчир» оҕо уһуйааныгар араас тэрээһиннэр тиһиктээхтик салҕаналлар. Бырайыак олоххо киирэригэр нэһилиэк тэрилтэлэрин үлэһиттэрэ бары көмөлөөн үлэлээтибит.

Искибиэри арыйыы үөрүүлээх тэрээһинэ өрө көтөҕүллүүлээхтик буолла. Тэрээһиҥҥэ сэрии сылларын оҕолоро, үлэ бэтэрээннэрэ, ыччаттар, оскуола үөрэнээччилэрэ, үлэ кэлэктииптэрэ көхтөөхтүк кытыннылар. Биир дойдулаахтарбыт сырдык ааттарыгар сүгүрүйэн, кэриэстээн, төбөбүтүн нөрүтэн, чуумпуран турдубут.

Бырайыак ааптара Айталина Готовцева ыытыллар үлэлэри, соруктары сырдатта. Олохтоох дьаһалта баһылыга Петр Слепцов бэтэрээннэри Кыайыы 79 сылынан эҕэрдэлээтэ, Айталина Готовцеваҕа махтал сурук туттарда. Уһуйаан иитиллээччилэрэ хоһоон аахтылар. Нэһилиэк дьокутааттарын сэбиэтин бэрэсэдээтэлэ Петр Румянцев, бэтэрээннэр сэбиэттэрин бэрэссэдээтэлэ Светлана Петрова, сэрии сылларын оҕото Вера Мухина тэрээһин кыттыылаахтарын эҕэрдэлээтилэр. Оскуола быйылгы выпускнига Арсен Константинов харда тылы эттэ, ытык кырдьаҕастарга махтанна.

Светлана Петрова, бэтэрээн учуутал,

Найахы.

Хаартыскаларга Мария Константинова түһэриитэ.

Recent Posts

  • Сонуннар
  • Үөрэх

Саха сирин Төрүт сокуонугар киирэр уларытыыларга босхо үөрэхтээһин оннунан хаалла

Саха Өрөспүүбүлүкэтин Судаарыстыбаннай Мунньаҕын (Ил Түмэн) 14-с уочараттаах мунньаҕар “О внесении изменений и дополнений в…

21 минута ago
  • Быһылаан
  • Бэрээдэк
  • Сонуннар

Массыыналар харсыспыттар

Алтынньы 21 күнүгэр 17:35 чугаһыгар РФ ИДьМ Алдан улууһунааҕы отделениетын дьуһуурунай чааһыгар ВЛКСМ 50 сыла…

41 минута ago
  • Сонуннар
  • Сүбэһит

Сүбэһит: Оҕурсуну хайдах түргэнник тууһуубут?

Сороҕор туустаах оҕурсуну сиэххин баҕаран кэлэҕин дии. Дьиҥэр, түргэнник оҥоһуллар ньыма баар. Бу ырысыапка уксуус…

56 минут ago
  • Сонуннар
  • Уопсастыба

Юрий Слепцов: «Баһылык дьонун-сэргэтин туһугар бэриниилээх, кинилэр этиилэрин олоххо киллэрэр, кыһалҕаларын быһаарар»

Юрий Слепцов, Нам улууһун баһылыга: --Саха Өрөспүүбүлүкэтин Төрүт Сокуонугар киирэр уларытыылары биһириибин. Чуолаан Төрүт Сокуоҥҥа…

1 час ago
  • Сонуннар
  • Сүрүн

“Саха сирин балыга” дьаарбаҥка ыҥырар

Бу нэдиэлэҕэ СӨ Тыатын хаһаайыстыбатын уонна ас-үөл бэлиитикэтин министиэристибэтэ “Саха сирин балыга” өрөспүүбүлүкэтээҕи уон бэһис…

2 часа ago
  • Сонуннар
  • Уопсастыба

Төрүт Сокуоҥҥа уларытыылар киирэллэригэр 55 дьокутаат сөбүлэҥин биэрдэ

Сергей Сивцев, Ил Түмэн дьокутаата: -Ил Түмэн 14 пленарнай мунньаҕар Саха Өрөспүүбүлүкэтин Төрүт Сокуонугар уларытыылары…

2 часа ago