Саллааттар уоппускаҕа кэллилэр

Байыаннай дьайыылар буола турар сирдэриттэн Саха сиригэр түөрт саллаат уоппускаҕа кэллэ. Үс саллаат Дьокуускайтан, биир саллаат Горнай улууһуттан алта ыйдааҕыта сулууспалыы барбыттар эбит.

Байыастары Дьокуускай аэропордугар чугас дьонун кытта СӨ үлэҕэ уонна социальнай сайдыыга миниистири солбуйааччы Алексей Александров көрүстүлэр. Миниистири солбуйааччы Ил Дархан Айсен Николаев аатыттан саха быһахтарын туттарда.

«Уолаттарбыт сынньана кэлбиттэриттэн үөрдүбүт. Күүс-сэниэ ылыахтара. Мэдиссиинискэй эбэтэр социальнай көмө наада буоллаҕына, көмөлөһүөхпүт», — диэн Алексей Александров эттэ.

Саллааттар төрдүөн ааспыт сыл балаҕан ыйын бүтүүтэ быстах хомуурга ыҥырыллан барбыттар. Улан-Удэ куоракка байыаннай дьайыыга барарга бэлэмнэммиттэр, онтон салгыы төрдүөн биир батальоҥҥа сулууспалаабыттар.