Салайааччыны бэрик ылыыга уонна икки киһи өлүүтүгэр буруйдууллар

Share

Өрөспүүбүлүкэ борокуруора Сергей Дябкин СӨ Бэтэринээрийэ департаменын урукку салайааччытыгар тэриллибит холуобунай дьыаланан буруйдуур түмүгү бигэргэттэ.

Салайааччы РФ Холуобунай кодексатын 290-с ыстатыйатын 2-с чааһынан уонна 5-с чааһын «в» пуунунан (бөдөҥ кээмэйдээх бэриги ылыы), ону таһынан 293-с ыстатыйатын 3-с чааһынан (гражданнар, уопсастыба уонна судаарыстыба сокуонунан харыстанар интэриэстэрин кэһиигэ, ону тэҥэ сэрэҕэ суохтан икки киһи өлүүтүгэр тиэрдии) буруйданар.

Силиэстийэ барылынан, бэтэринээрийэ департаменын салайааччыта 2022-2024 сылларга  тэрилтэ дириэктэриттэн уонна солбуйааччытыттан сулууспаларыгар көмөлөһөрүн, араҥаччылыырын, ону таһынан  3,5 мөл. солк. суумалаах бириэмийэҕэ анаабытын иһин, харчынан уопсайа 400 тыһ. солкуобайтан тахса суумалаах бэриги ылбыт. Маны таһынан, буруйданааччы 2020-2024 сылларга сулууспатыгар ээл-дээл сыһыанын түмүгэр департамент үлэтигэр элбэх кэһиини таһаарбыт. Ол түмүгэр, бэйдиэ сылдьар ыт ахсаана элбээһинэ, ону тэҥэ дьоҥҥо саба түһүү түбэлтэтэ элбээбит (455 түгэн), доруобуйаларыгар эчэйии оҥоһуллубут, ол иһигэр икки киһи өлбүт.

Буруйданааччы этиллибит буруйдары оҥорбутун билиммэт. Гражданскай ирдэбили уонна баайы-дуолу былдьыыны хааччыйар сыалтан, силиэстийэ буруйданааччы 12 мөл. солкуобайтан тахса суумалаах баайын-дуолун арестаата. Буруйдуур түмүк бигэргэтиллибит холуобунай дьыалата суукка ыытылынна. Сокуону кэһиини РФ Федеральнай куттал суох буолуутун сулууспатын Саха сиринээҕи управлениета уонна Ис дьыалатын министиэристибэтин  экэниэмикэҕэ куттал суох буолуутун уонна хоруупсуйаны утары охсуһар управлениета булан таһаарбыттар. Холуобунай дьыаланы РФ Силиэстийэлиир кэмитиэтин Саха сиринээҕи управлениета ураты суолталаах дьыалалары силиэстийэлиир бастакы отделыгар силиэстийэлээтилэр, диэн СӨ Борокуратууратын пресс-сулууспата иһитиннэрэр.

Recent Posts

  • Сонуннар
  • Уопсастыба

Тускул: «Кэлэр нэдиэлэттэн 20-30 кыраадыс тымныйан, биллэ «сылыйыаҕа»

Бу күннэргэ киин улуустарга тымныы күн-дьыл туран, үгүспүт хаһан сылыйарын кэтэһэн эрэбит. Норуот синоптига Тускул…

4 минуты ago
  • Сонуннар
  • Сүбэһит
  • Уопсастыба

СҮБЭҺИТ: Саҥа сыл 12 күнүн хайдах атаарабыт…

Үүнэр саҥа сыл бастакы 12 күнүн хайдах атаараҕын да, сылыҥ оннук ааһыа. Ол эбэтэр, биир…

19 минут ago
  • Быһылаан
  • Сонуннар

Кэбээйи улууһугар 1 мөл. солк. тахса сууманы уоруунан тэриллибит холуобунай дьыала суукка барда

Кэбээйи улууһун борокуратуурата олохтоох дьахтарга тэриллибит холуобунай дьыала буруйдуур түмүгэ бигэргэннэ диэн СӨ Борокуратуурата иһитиннэрэр.…

51 минута ago
  • Байыаннай эпэрээссийэ
  • Сонуннар

Саха сиригэр хантараагынан байыаннай сулууспаҕа сүүмэрдээһин салҕанар

Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…

60 минут ago
  • Сонуннар
  • Уопсастыба

ПСБ социальнай төлөбүрдэри оҥорторууга цифровой сервиһи үлэҕэ киллэрдэ

Erid: 2SDnjdhGTzX   ПСБ биир кэлим счекка ханнык баҕарар социальнай төлөбүрдэри суһаллык ыларга анаан, олус…

1 час ago
  • Сонуннар
  • Уопсастыба

Муниципальнай тэриллиилэр бэрэстэбиитэллээх уорганнарын дьокутааттарын III сийиэһэ буолаары турар

Ахсынньы 17-19 күннэригэр Муниципальнай тэриллиилэр бэрэстэбиитэллээх уорганнарын дьокутааттарын III сийиэһигэр бары улуустартан, нэһилиэктэртэн 500-чэкэ дьокутаат…

2 часа ago