Салюту төһө ыраахтан туран ытар ордугуй?

Саҥа дьыллааҕы бырааһынньыктары көрсө Судаарыстыбаннай Дуума  дьокутаата Олег Леонов ТАСС-ка биэрбит кэпсэтиитигэр пиротехниканы куттала суох ытар быраабылалары санатта. Кини этэринэн, фейерверк төһө үрдүккэ көтөн эстэр ырааҕынан, оччонон салюттан тэйиччи турар ордук.

Дьокутаат быһаарбытынан, пиротехника көтөр ырааҕа суутугар чопчу ыйыллар. «Холобур, петарда 50 миэтэрэҕэ көтөр буоллаҕына, салют тула 50 миэтэрэ иһигэр туох да суох буолуохтаах. Оччоҕо салют уоттара атын сиргэ ханна да көппөт уонна кимиэхэ да түспэт», — диэн кини бэлиэтээтэ. Онуоха Леонов инструкцияны кытаанахтык тутустар даҕаны, пиротехниканы туһанарга соһуччу быһылаан тахсар куттала мэлдьи баарын  бэлиэтээтэ. Онон сибээстээн, фейерверк ытарга киэҥ, аһаҕас сири талар, уонна тимир көлө эбэтэр дьиэ эркинин аттыгар хаһан да туттубаты сүбэлээтэ.