Хаартыска: Самаганди Дондокова тиксэриитэ.
Ыам ыйын күлүм-чаҕыл күннэригэр Үлэ, Эйэ, Күөх Маай параадын, Улуу Кыайыы бырааһынньыгын тэҥэ, үгэс быһыытынан, үлэһит дьон, куорат олохтоохторо араас субуотунньуктарга кытталлар. Ол курдук, быйыл эмиэ Ньурба куоратын, оройуон салалтатын араас тэрилтэлэрэ бүттүүн түмсэн, тыаҕа тахсан, уокка оттор мас бэлэмнээһинигэр үлэлээтилэр. Ол туһунан «Кыталык» култуура дыбарыаһын дириэктэрэ Самангади Базарсадаевна Дондокова кэпсээтэ.
— Ньурба куоратыгар анал байыаннай эпэрээссийэҕэ сылдьар эр хоһууттарбыт дьиэ кэргэттэригэр ураты болҕомто ууруллар. Быйыл биһиги «Кыталык» култуура дыбарыаһыгар ыыппыт тэрээһиннэрбититтэн киирбит харчыны көмө пуондатыгар ыыттыбыт. Элбэх тэрээһини аахсыйа быһыытынан анаан ыыттыбыт. Дьон көхтөөхтүк кыттар, өйүүр, өйдүүр. Холобура, аҥардас бу бүтэһик ыйга Ньурбатааҕы кииннэммит балыыһа үлэһиттэрэ сүрдээх үчүгэй кэнсиэр көрдөрөн, киирбит 126 тыһыынча солк. суммалаах үбү пуондаҕа туттардыбыт. Барыта аҥардас бу сыл саҕаланыаҕыттан Дыбарыас тэрээһиннэриттэн 353 тыһыынча солк. анал байыаннай эппирээссийэҕэ көмө быһыытынан ыытылынна. Манна даҕатан этиэххэ наада, үбүнэн эрэ буолбакка, тэрилтэбит араас куруһуоктарын кыттыылаахтара, чуолаан, иистэнньэҥнэр таҥас-сап, байыаннай форма, сэп-сэбиргэл суумкаларын уонна да атыны тигэн ыыта тураллар. Бу олус хайҕаллаах дьыала.
Ньурба куоратыгар байыаннай эпэрээссийэҕэ барбыт барыта 65 дьон дьиэ кэргэнэ баар. Биллэн турар, кинилэргэ аҕалара этэҥҥэ эргиллэн кэлэрин көһүтэр билигин уустук кэмнэр буолаллар.
«Кыталык» култуура дыбарыаһын специалиһа Варвара Георгиевна Плотникова кэргэнэ байыаннай эпэрээссийэҕэ 2022 сыл күһүнүгэр ыҥырыллан барбыта. Инники кирбиигэ сылдьар дьоннорун кытта үксүн сатаан сибээстэһэр да кыаҕа суох, кэргэннэриттэн соччо сонун кэлбэт кыргыттар санааларын-оноолорун кимнээҕэр да ордук өйдүүр буолан, Варвара Георгиевна бэйэ-бэйэни кытта билсэн, кэпсэтэн, өйөһөн-убаһан сылдьар курдук түмсүү тэрийэ сылдьар. Түмсүү бастакы тэрээһиннэрэ бу күннэргэ буоллулар. Ол курдук, чэйдээх сандалы тула олорон сэһэргэһэн, психологтары ыҥыран, сылаас, эйэҕэс эйгэҕэ киллэрэн тренинг, дьарык, оонньуу ыыттылар, туһалаах лекция иһиттилэр, оҕолорун кытта дьарыктаннылар, былаан оҥоһуннулар.
Улуу Кыайыыны ситиспит, эйэлээх олоҕу биһиги дойдубутугар аҕалбыт хорсун-хоодуот өбүгэлэрбитин санаан туран Улуу Кыайыы бырааһынньыгар Арктикатааҕы Судаарыстыбаннай Култуура уонна Искусство Институтун устудьуона Милана Егорова «Кыайыы иһин» диэн дипломнай испэктээҕин дьон дьүүлүгэр таһааран, элбэх үтүө махтал тыллардаах сыанабылы ылла. Маныаха байыаннай эпэрээссийэҕэ сылдьар байыастар 14 дьиэ кэргэттэрэ күндү ыалдьыт буолан сырыттылар. Кинилэргэ оройуон уонна куорат дьаһалталара олохтоох оҥорон таһаарыы бородууксуйатын туттардылар.
Байыаннай эпэрээссийэҕэ сылдьар уолаттар дьиэ кэргэттэригэр бары өттүттэн ураты болҕомто, сылаас сыһыан, өйөбүл баара үөрдэр, санаабытыгар күүс эбэр диэннэр кинилэр оройуон, куорат салалталарыгар махтаннылар.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…