Хаартыска: sakha.gov.ru
Дьокуускайга «Өрөгөй» успуорт комплексыгар бойобуой самбоҕа Арассыыйа Дьоруойа Александр Рыжиков уонна ытык иэстэрин төлүү сылдьан тыыннара быстыбыт спецподразделение үлэһиттэрин кэриэстэригэр Бүтүн Арассыыйатааҕы күрэхтэһии буола турар.
Күрэхтэһиигэ Хабаровскай, Приморскай, Камчатскай кыраайдартан, Амурскай уобаластан, Бурятияттан уонна Саха сириттэн кытталлар. Спортсменнары СӨ Бырабыыталыстыбатын Бэрэссэдээтэлэ Кирилл Бычков эҕэрдэлээтэ:
— Самбо хамсааһынынын настаабынньыктарыгар, тириэньэрдэргэ, спортсменнарга ситиһиилэри баҕарабын. Ким күүстээх — ол кыайдын. Бу успуорт көрүҥэ өссө да сайда турдун.
Бэҕэһээ, күрэхтэһии бастакы күнүгэр 14-16 саастаах кыргыттар уонна уолаттар тоҕус категориянан арахсан күрэхтэспиттэрэ. Бүгүн эр дьон уонна саастарын сиппит уолаттар спортивнай уонна бойобуой самбоҕа кииристилэр.
Санатан суруйдахха, Саха сиригэр Самбо эрэгийиэннээҕи федерацията СӨ Успуорка уонна физическэй култуураҕа министиэристибэтин өйөбүлүнэн үлэлиир. Бу сыл атырдьах ыйын 27 күнүгэр РФ Успуорка министиэристибэтэ самбону олимпийскай көрүҥүнэн билиммитэ диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…