Самосвал 11 саастаах оҕону түҥнэри көппүт

Бэҕэһээ, балаҕан ыйын 30 күнүгэр, Дьокуускайга самосвал Покровскайдыыр суолунан айаннаан иһэн 11 саастаах оҕону түҥнэри көппүт. Бу туһунан Госавтоинспекция иһитиннэрэр.

Барыллаан дааннайдарынан, быһылаан 14 чаас саҕана Покровскайдыыр суол 9-с км буолбут. «FAW J6» самосвалы ыытан испит 49 саастаах суоппар Хатас диэки айаннаан иһэн, светофора суох пешеходунан туораан иһэр 11 саастаах оҕону түҥнэри көппүт.

Саахал буолбут сиригэр кэлбит миэдиктэр оҕону балыыһаҕа илдьибиттэр.