Ил Дархан Айсен Николаев Ыйааҕынан от ыйын 24 күнүгэр СӨ физическэй култуураҕа уонна успуорка миниистирин солбуйааччытынан Аида Константиновна Антонова ананна.
Аида Антонова үрдүк үөрэхтээх. М.К. Аммосов аатынан СГУ уонна Российскай Федерация Бэрэсидьиэнин иһинэн норуот хаһаайыстыбатын уоннасудаарыстыбаннай сулууспа Российскай академиятын бүтэрбитэ. Үлэтин СӨ федеральнай казначейство управлениетын операционнай отделыгар саҕалаабыта. Доруобуйа, бырамыысыланнас уонна геология министиэристибэлэригэр, СӨ Тас сибээскэ уонна норуоттар дьыалаларыгар араас дуоһунастарга үлэлээбитэ. 2019 сыл ыам ыйыттан күн бүгүнүгэр диэри «Саха сирэ» конгресс-киин салайааччытын солбуйааччытынан үлэлээбитэ.
Ил Дархан Айсен Николаев Ыйааҕынан Гаврил Михайлович Мохначевскай СӨ физическэй култуураҕа уонна успуорка миниистирин бастакы солбуйааччытынан ананна. Гаврил Мохначевскай үрдүк үөрэхтээх, М.К. Аммосов аатынан СГУ физическэй култуураҕа уонна успуорка институтун уонна Российскай Федерация Бэрэсидьиэнин иһинэн судаарыстыбаннай сулууспа Российскай академиятын бүтэрбитэ. Үлэтин тириэньэринэн саҕалаабыта, олимпийскай резервэлэр өрөспүүбүлүкэтээҕи анал оҕо-ыччат спортивнай оскуолатын преподавателэ. Дьокуускай куорат 4 №- дээх оҕо спортивнай оскуолатын дириэктэринэн, спортивнай резервэни бэлэмниир отдел начаалынньыгынан, дириэктэри солбуйааччынан, Быһалай Манчаары аатынан национальнай көрүҥнэрин өрөспүүбүлүкэтээҕи киинин дириэктэринэн үлэлээбитэ. 2022 сыл бэс ыйыттан күн бүгүнүгэр диэри СӨ физическэй култуураҕа уонна успуорка миниистирин солбуйааччынан үлэлээбитэ.
Ил Дархана Айсен Николаев Ыйааҕынан от ыйын 24 күнүгэр Герасим Гаврильевич Гуринов СӨ Сыана бэлиитикэтигэр судаарыстыбаннай кэмитиэтин бэрэссэдээтэлин солбуйааччытынан ананна. Герасим Гуринов үрдүк үөрэхтээх. М.К. Аммосов аатынан СГУ финансовай-экэнэмиичэскэй институтун бүтэрбитэ. Үлэтин «Якутскэнерго» АХ ААУо Ньурба РЭС-гэр саҕалаабыта. Бүлүү электрическэй ситимнэрин сүрүн пуондаларын хапытаалынай өрөмүөннээһиҥҥэ инженеринэн, тэхиниичэскэй надзорга инженеринэн, «Якутскэнерго» АХ ААУо Арҕаа электрическэй ситимнэрин бас билиигэ отделын начаалынньыгынан үлэлээбитэ. 2014 сылтан күн бүгүнүгэр диэри «Якутскэнерго» АХ ААУо Арҕаа электрическэй ситимнэрин хаптыаалынай тутууга уонна саҥардыыга отделын начааалынньыгынан үлэлээбитэ.
Кылаан Кындыл алгыһынан, тойугунан арыйда. ''Сэргэлээх уоттара'' култуура киинигэр эдэр ырыаһыт Иоганн Матвеев бастакы айар…
Бүгүн саха эстрадатын чаҕылхай сулуһа Иоганн Матвеев бастакы кэнсиэрэ буолла. Талааннаах уолларын биир дойдулаахтара, Бүлүү…
Горнай улууһугар Атамайга "Радуга" уһуйаан тэриллибитэ 65 сылын бэлиэтиир тэрээһин өрө көтөҕүллүүлээхтик буолла. Бу күн…
Оҕо уруһуйугар болҕомтоҕутун ууруҥ диэн психологтар сүбэлииллэр. Баһыйар өҥүнэн оҕо уйулҕатын туругун быһаарыахха сөп диэн…
Былыр-былыргыттан дьон харчыга сыһыаннаах бити-билгэни итэҕэйэр, туһанар. Ол ханныктарый? Остуолга кураанах иһиттэр, вазалар, бытыылкалар туруо…
Дьокуускайга сылы эргиччи оҕуруот аһын, күөх үүнээйини үүннэриинэн дьарыктанар "Саюри" тэпилииссэ комплексыгар газовай электрстанция (ГПУ)…