Саҥа билсибит дьахтара харчытын уоран барбыт…
14.05.2024, 11:58
![](https://sakha-sire.ru/wp-content/uploads/2024/01/harchy-2-900x596.jpg)
Хаартыска: Мария Васильева, СИА.
Бөлөххө киир:
Бу күннэргэ Ис дьыала министиэристибэтин Дьокуускайдааҕы 1 нүөмэрдээх полициятын отделыгар харчытын уордарбыт куорат олохтооҕуттан сайабылыанньа киирбит. Бу туһунан Ис дьыала министиэристибэтин пресс-сулууспата иһитиннэрдэ.
Сайабылыанньаҕа суруллубутунан, эр киһи сиэбиттэн 10 тыһ. солк. сүппүт. Полиция сотрудниктара туһааннаах уоруунан 28 саастаах уорбаланааччыны туппуттар.
Ол курдук, харчытын сүтэрбит киһи билбэт дьахтарын кыбартыыратыгар ыҥырбыт. Итиэннэ остуол тэрийэн аһаабыттар, арыгы испиттэр. Салгыы эр киһи утуйан хаалбыт. Дьэ ол бириэмэҕэ дьахтар эр киһи харчытын уорбут уонна куоппут. Дьахтар харчыны барытын матайдаабыт. Билигин уоруйах дьахтарга РФ Холуобунай кодексын 158 ыст. холуобунай дьыала тэрилиннэ.
+1
13
+1
1
+1
1
+1
+1
7
+1
5
+1
3
Сообщить об опечатке
Текст, который будет отправлен нашим редакторам: