Саҥа билсибит киһитэ харчытын сойботон барбыт

Бу күннэргэ Дьокуускай полициятын 1 нүөмэрдээх отделыгар  36 тыһ. солк. уордарбыт эр киһиттэн сайабылыанньа киирбитин туһунан Ис дьыала министиэристибэтин Дьокуускайдааҕы салаатын  пресс-сулууспата суруйар.

Холуобунай ирдэбил сотрудниктара суһал-ирдиир үлэ кэмигэр уорбаланааччыны ким буоларын быһаарбыттар. Ол курдук, урут сууттана сылдьыбыт  Москва уобалаһын 46 саастаах олохтооҕо эмсэҕэлээччини кытта уулуссаҕа билсибит. Эр киһи саҥа билсибит киһитин арыгылыыр сыаллаах дьиэтигэр ыҥырбыт. Дьиэлээх утуйан хаалбытын кэннэ уоруйах эр киһи ыскаапка уура сыппыт 36 тыһ. солк. уорбут.

Билигин уоруйахха РФ Холуобунай кодексын 158 ыст. 2 чааһынан холуобунай дьыала көбүтүлүннэ.