Хаартыска: быһа эпииртэн --скрин.
Бүгүн, муус устар 25 күнүгэр, Ил Дархан Айсен Николаевы кытта “Быһа эпиир” буола турар.
Дьон-сэргэ көхтөөхтүк кыттар, ыйытыы киирэ турар. Ордук суол-иис оҥоһуутун, дьиэ-уот, социальнай көмөнү оҥоруу, ОДьКХ, үөрэх, тыа хаһаайыстыбатын тиэмэтигэр ыйытыылары биэрэллэр. Хаарбах дьиэттэн дьону көһөрүү боппуруоһа эмиэ таарылынна.
Өлүөхүмэттэн Ольга Побежимова Ил Дархаҥҥа махтанна.
—«Хаарбах дьиэттэн көһөрүү» бырагыраамата баара, биһиэхэ үлэлиирэ олус үчүгэй. Биһиги саҥа дьиэҕэ көһөммүт үөрүүбүт муҥура суох. Саҥа дьиэбит киэҥ-куоҥ, сырдык, сылаас. Онон улахан дьиэ кэргэн аатыттан Ил Дархаҥҥа махтанабыт, — диэтэ кини. Итиэннэ бу саҥа дьиэлэрин сирэ-уота тупсарылларыгар баҕа санаатын биллэрдэ. Манна элбэх оҕолоох ыаллар, кырдьаҕастар олороллор диэн эттэ.
Кини көрдөһүүтүгэр Ил Дархан «Хаарбах дьиэттэн көһөрүү» бырагыраамата тиһиктээхтик салҕанарын эттэ:
— Бу бырагыраама улахан куораттарга эрэ буолбакка, ыраах сытар нэһилиэктэргэ эмиэ үлэлиир. Өссө да элбэх оҥоһуллуоҕа. Кылаабынайа, саҥа дьиэлэр болдьоммут кэмнэригэр тутуллан олоххо киирэллэрэ уонна хаачыстыбалаах буолаллара наада/ Эһиги көрдөһүүгүтүн иһиттим. Улуус, нэһилиэк баһылыктара уонна тутааччылар манна болҕомтолорун биир сүбэнэн ууруохтара, — диэн хоруйдаата.
Бүгүн, ахсынньы 12 күнүгэр, Дьокуускай куорат 15-с №-дээх оскуолатыгар миинэ ииппиттэрин туһунан иһитиннэрии киирбит. Бу…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов бүгүн Үөһээ Бүлүү уонна Чурапчы улуустарын баһылыктарын, ону…
Бүгүн, ахсынньы 12 күнүгэр, Дьокуускай аэропордугар Таилантан уонна Филиппиныттан кэлбит боксердары көрүстүлэр. Спортсменнар ахсынньы 14…
Усуйаана улууһун 50 саастаах олохтооҕо билэр киһитин тимир светильнигинэн кырбаан өлөрбүт. Бу туһунан СӨ Борокуратууратын…
Ил Дархан Айсен Николаев “Искусственнай интеллект эйгэтигэр айан” норуоттар икки ардыларынааҕы кэмпириэнсийэҕэ кыттыыны ылла. Суолталаах тэрээһиҥҥэ…
Бүгүн, ахсынньы 12 күнүгэр, Дьокуускайга "Руслан" тыа хаһаайыстыбатын тиэхиньикэтин уонна саппаас чаастары атыылыыр маҕаһыын умайда.…