Саҥа дьыл бырааһынньыгын иннинэ куттал суох буолуутун миэрэлэрин күүһүрдүөхтэрэ

Ахсынньы 12 күнүгэр, Дьокуускайга Ил Дархан Айсен Николаев бэрэссэдээтэллээх эрэгийиэҥҥэ бэрээдэги уонна куттал суох буолуутун хааччыйыыга туһаайыллар координационнай мунньах буолан ааста. Бу сырыыга бэбиэскэҕэ – Саҥа дьыллааҕы бырааһынньык кэмигэр үлэни күүһүрдүү.

“Бырааһынньык кэмигэр бары сулууспалартан сатабыллаах, эппиэтинэстээх үлэ ирдэнэр. Куттала суох буолуу миэрэлэрэ олоччу олоххо киириэхтээхтэр. Уһун бырааһынньык кэмигэр ыксаллаах быһыыны сэрэтэр, нэһилиэнньэ олоҕун хааччыйар эбийиэктэр уонна суһал управление уорганнара, ону тэҥэ, дьон олоҕун, доруобуйатын хааччыйыы суолталаах соругунан буолар” – диэн Ил Дархан бэлиэтээтэ.

Мунньах кэмигэр Саҥа дьыллааҕы тэрээһиннэр 235 нэһилиэнньэлээх пуун 250 былаһааккатыгар буоларын, 20 тыһ. тахса киһи кыттара күүтүллэрин иһитиннэрдилэр.

Бу туһунан Ил Дархан уонна Бырабыыталыстыба пресс-сулууспата иһитиннэрэр.