Хаартыска: Мария Васильева, ЯСИА.
Тохсунньу 1-8 күннэригэр диэри хас чаас ахсын үлэ кээмэйэ икки бүк хос ааҕыллан төлөнүөхтээх. Бу туһунан РИА Новости Судаарыстыбаннай Дуума дьокутаата Сергей Гаврилов (РФКП) иһитиннэрдэ.
Сергей Гаврилов тохсунньутааҕы бырааһынньыктарга үлэ төлөбүрүн туһунан үлэһиттэр да, үлэ биэрээччилэр да ортолоругар элбэх ыйытык үөскэтэрин бэлиэтээтэ. Кини этэринэн, Үлэ Кодексатынан бырааһынньыктааҕы күннэринэн 1, 2, 3, 4, 5, 6, 7 уонна 8 чыыһылалар ааҕыллаллар. Бу күннэргэ үлэ-хамнас ханнык да тиһигиттэн тутулуга суох, үрдүк кээмэйинэн төлөнүөхтээх диэн Гаврилов эбэн эттэ. Ону тэҥэ үлэһит ыйыллыбыт күннэргэ үлэҕэ таҕыстаҕына, хас биирдии чааһыгар икки бүк төлөбүр ананарын чуолкайдаата.
Маны таһынан үлэһит уоппускаҕа эбии сынньаныан баҕарар буоллаҕына, үлэ биэрээччини кытта дуогабар түһэрсиэн сөп. Маннык түгэҥҥэ бырааһынньык күн хамнас урукку кээмэйинэн төлөнөр, оттон эбии бэриллибит сынньалаҥ күнэ төлөммөт буолар. Үлэ биэрээччи бырааһынньык үлэтин төлөбүрүн эбэһээтэлистибэлэрин толорортон аккаастанар буоллаҕына, үлэһит судаарыстыбаннай инспекцияҕа эбэтэр борокуратуураҕа этинэр бырааптааҕын бэлиэтээтэ.
2025 сыл ахсынньы 28 күнүгэр олохтоох бириэмэнэн 22:18 чааска "Восточнай" космодромтан "Союз-2.1б" аракыата көтөрө былааннанар.…
Ил Дархан Айсен Николаев өрөспүүбүлүкэ парламеныгар туһаайыытыгар судаарыстыбаннай сиэктэр тиһигин үлэтин 1,5 төгүл түргэтэтэргэ сорудахтаата.…
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…
Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан,…
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…