sakha-sire.ru хаартыската.
Госдуумаҕа Саҥа дьыл иннинээҕи алта үлэ күннээх нэдиэлэ оннунан хаалар диэн иһитиннэрдилэр. Бу иннинэ ахсынньы 28 күнүн, субуотаны, өрөбүл күн оҥорор туһунан этиини дьокутааттар киллэрэ сылдьыбыттара.
Саҥа дьыл иннинээҕи субуота күн өрөбүл буолар кыаҕа суох, тоҕо диэтэр, 2024 сыллаах үлэ халандаарыгар субуота күн өрөбүлэ бэнидиэнньиккэ, ахсынньы 30 күнүгэр көһөрүллүбүтэ. Бэнидиэнньик — өрөбүл күн. Онон үлэһиттэр ахсынньы 29 күнүттэн, баскыһыанньаттан саҕалаан, тохсунньу 8 күнүгэр диэри өрүүллэр. Бу иннинээҕи нэдиэлэҕэ — ахсынньы 23 күнүттэн 28 күнүгэр — алта күннээх үлэ нэдиэлэтэ буолар.
Маны тэҥэ, Госдуума үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин чилиэнэ Светлана Бессараб этэринэн, маннык көҕүлээһини олох эрдэттэн, үлэ халандаара оҥоһулла илигиттэн киллэриэххэ наада. Тоҕо диэтэр, экэнэмиичэскэй өрүтүн эмиэ ырытан көрүөххэ наада.
Саҥа дьыл иннинээҕи алта күннээх үлэ нэдиэлэтин көҕүрэтэр туһунан көҕүлээһини дьокутааттар РФ бырабыыталыстыбатын бэрэссэдээтэлин солбуйааччы Дмитрий Григоренкоҕа сэтинньи 12 күнүгэр киллэрбиттэрэ.
Чэ, ол да буоллар, Саҥа дьыл иннинэ 3 күннээх өрөбүл баар, онон бырааһынньыкка үчүгэйдик бэлэмнэниэххэ сөп. Урукку дьылларга, сороҕор ахсынньы 31 күнүгэр үлэ күнэ түбэһэр этэ.
Бүгүн, бэс ыйын 1 күнүгэр, П.А.Ойуунускай аатынан Саха Академическай тыйаатырыгар бойобуой дьайыы бэтэрээннэрин күнүн бэлиэтээһинэ…
Ааспыт нэдиэлэ устата түөкүттэр буруйу оҥорор дьайыыларыттан өрөспүүбүлүкэ 15 олохтооҕо эмсэҕэлээтэ, кинилэртэн албыннатан былдьаппыт харчыларын…
Өрөспүүбүлүкэ киин куоратын уулуссаларыгар «дрифтээбит» 27 саастаах Дьокуускай олохтооҕо холуобунай дьыалатыгар бириигэбэрэ таҕыста. Кини РФ…
2023 сыллаахха сэтинньи 23 күнүгэр Ил Дархан Айсен Николаев өрөспүүбүлүкэ олоҥхоһуттарыгар, оһуохайдьыттарыгар уонна тимир уустарыгар…
Оройуоннааҕы борокуратууралар ирдэбиллэринэн, Саха сиригэр элбэх кыбартыыралаах дьиэлэргэ эрэгийиэн операторыгар өрөмүөн үлэтин ыытарга эбээһинэстиир туһунан…
Бүгүн Байыаннай дьайыы бэтэрээннэрин күнэ. Саха сирин улуустарыгар бу бэлиэ күнүнэн араас сылларга байыаннай дьайыыларга,…