«Саҥа дьыл кэлэн иһэрин һунтаардар абытайдык биллэрдибит быһыылаах…»

Сунтаарга быйылгы хаар оҥоһуктарбыт уран ууһа бэрт ураты буочардаах, дьээбэ урамньылаах буолла…

Бу умсугутуулаах урамньыны илэ харахпынан көрбөтөр да, дьон ол туһунан күлэ-үөрэ, дьээбэлэнэ астыктык кэпсиирин истэн сэҥээрдим. Хата бу айар үлэлэри оҥорбут киһини кытта көрсөн сэһэргэһиэхпин баҕардым… Бу ураты үлэ һунтаары ааттатта, билиҥҥи дьалхааннаах ыарахан эйгэлээх олоҕу төһө эмэ сэргэхситтэ! Куйаар ситимэ кининэн туолла, бэл диэтэр Хаарчааната кытта булулунна… бэйэтэ остуоруйа курдук арылынна!

Түгэнинэн туһанан махтанабын балыыһа хонтуоратыгар, бу маннык ураты буочардаах уран ууһу булан бүтүн Саха сирин сэргэхсиппикитигэр, күллэрэн олохпутун уһаппыккытыгар. Бу эмиэ эмтэнии биир көрүҥэ буоллаҕа!

Кыһыыта бу үлэни илэ көрбөтүм, баара буоллар тиийэн үөрэ-көтө кууһан туран: «Тымныы Моруос барҕа махтал! Күн күлүмүн үөрүүнү, ону кытта көрү-күлүүнү бэлэхтээбиккэр», — диэм этэ…

Тускулаана ГОРОХОВА-КОБЕЛЬЯНОВА