Саҥа дьыл бырааһынньыктарын кэнниттэн тыыннаах харыйаны кытары арахсар кэм кэлэр. Үгүстэр аҕыйах хонуктаахха кинилэри үөрдэ-көтүтэ турбут мас барахсаны бөх курдук быраҕан кэбиһэллэр. Дьиҥэр, туһаҕа таһаарыахха эмиэ сөп.
Холобур, кэхтибит мас ойуурга саҥа үүнээйи улаатарыгар иҥэмтэлээх эйгэнэн буолар. Оттон куоракка бөххө-сахха эрэ кубулуйар.
— Зоопаркалар кыылы-сүөлү аһаталларыгар туһаналлар;
-Тыа хаһаайыстыбатыгар бытарытыллыбыт мас сыыһа сири тоҥорууттан уонна сыыс оттон көмүскүүр.
Пааркаларга экология өттүнэн ыраас ыллыктары оҥоруохтарын сөп;
Куоракка сибэкки клумбаларыгар туһаналлар;
Даачаҕа баанньыгы оттор мас быһыытынан туһаналлар.
Онтон улахан куораттарга туһаҕа таһаарар анал пууннарыгар туталлар.
Харыйа мутукчатыгар киһи организмыгар туһалаах элбэх биэссэстибэ баар. Көмнөх мутукча кэрэ аҥаардар сирэйдэрин тириитин көрүнэллэригэр соһуччу булумньу эбит. Харыйа туорахтара, иннэлэрэ уонна умнастара буспут уута сүрэх үлэтин бөҕөргөтөр, ньиэрбэ систиэмэтин уоскутар, сирэй тириитин солко курдук сымнаҕас оҥорор.
Онтон харыйаҕытын ханна да туһаҕа таһаарар кыах суох буоллаҕына, бөх тоҕор дьааһыкка быраҕыаххыт иннинэ дэлби кэрчиктээҥ, бытарытыҥ, умнаһын эрбээҥ уонна баайан кэбиһиҥ. Тоҕо диэтэххэ, бүтүн харыйа элбэх миэстэни ыларын ааһан, баһаар кутталын үөскэтэр.
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…
Киһи аймах туой иһити неолит кэмиттэн, саҥа таас үйэттэн оҥостор, туттар буолбут. Саха омук даҕаны…
2021 сыллаахха түөрт оҕолоох Даниловтар дьиэ кэргэн Уһук Илиҥҥи ипотека бырагырааматыгар киирсэн уһаайба атыыласпыттара, «Килбиэнстрой»…
Хаһыаппыт бүгүҥҥү ыалдьыта, дьоруойдуу быһыы, бойобуой доҕордоһуу диэн тугун бэркэ билэр, биһиги биир идэлээхпит, кэллиэгэбит,…
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…