Саҥа дьыл чугаһаата, ону кытта табаар сыаната үрдээтэ

Саҥа дьыл сүрүн тэриллэрин – харыйаны уонна оонньуурдары атыылаһыыга ороскуот суумата быйыл ортотунан 5,2 тыһ. солк. тэҥнэһиэҕэ, ол ааспыт сыллааҕы көрдөрүүлэрин кытта 13%-нан үрдээбит. Сыана ордук харыйа оонньуурдарыгар эбиллибит — 16%. Маннык дааннайдары «Платформа ОФД» хампаанньа «Чек Индекс» чинчийэр киинин эспиэрдэрэ кэпсээтилэр.

«Быйыл Саҥа дьыл табаардарыгар сыаната биллэ эбиллибит. Оҥоһуу харыйа ортотунан 3,6 тыһ. солк. турар (+15%), гирлянда – 593 солк. (+13%), харыйа оонньуурдара – 497 солк. (+16%), харыйа сулуһа – 305 солк. (+6%), мишура – 159 солк.(+8%). Саамай ордук 5,6 тыһ. солк. диэри пиротехника сыаната эбиллибит – 62%. Саҥа дьылга  харыйа уонна оонньуур муҥутуур кыра сыаната — 13%-нан эбиллибит, ортотунан 5,2 тыһ. солк. тиийбит», — диэн аналитиктар дааннайдарын «Известия» суруйда.

Итини таһынан быйыл ретро истииллээх оонньуурдарга ирдэбил үрдээбитэ көстөр, ону таһынан кыра кээмэйдээх кыбартыыраларга анаан оҥоһуллубут оҥоһуу харыйаларга. Ол курдук, оҥоһуу харыйа маркетплейстарга сыаната 8 тыһ.солк. саҕаланар.