Саҥа дьыл түүнүгэр Дьокуускайга 100н нүөмэрдээх босхо оптуобус сылдьыаҕа

Саҥа дьыл түүнүгэр Дьокуускайга быстах кэмҥэ 100н нүөмэрдээх  босхо оптуобус маршрута үлэлиэҕэ. Оптуобустар 2025 сыл ахсынньы 31 күнүгэр киэһэ 22:00 чаастан 2026 сыл тохсунньу 1 күнүн сарсыарда 06:00 чааска диэри сылдьыахтара. Бу туһунан Киин куорат суолга-тырааныспарга сулууспата иһитиннэрэр.

Маршрут куорат киин өттүн сүрүн уулуссаларын уонна чугастыы түөлбэлэри хабыаҕа. Айан «Медцентр» бүтэһик тохтобулуттан саҕаланыаҕа. Салгыы оптуобустар Сэргэлээхтиир шоссеттан, Лермонтов, Петровскай уулуссаларынан, Ленин проспегынан, Дзержинскэй, Поярков, Киров уулуссаларын устун, эмиэ Лермонтов уулуссатынан, онтон Дзержинскэй уулуссатынан, Октябрь 50 сылын аатынан автостраданан, Можайскай, Гагарин, Быковскай уулуссаларынан айаннаан маршруту «Аэропорт» тохтобулга түмүктүөхтэрэ.

Саҥа дьыллааҕы босхо 100н маршрут сырыытын араспысаанньата:

«Медцентр» тохтобултан: 22:00, 23:00, 00:00, 01:00, 02:00, 03:00, 04:00, 05:00.

«Аэропорт» тохтобултан: 22:00, 23:00, 00:00, 01:00, 02:00, 03:00, 04:00, 05:00.