Саҥа дьылга аан бастакытын 12 хонук устата сынньаныахпыт

Дойду үрдүнэн ахсынньыга уонна тохсунньуга Саҥа дьыллааҕы өрөбүллэр 12 хонук устата уһуохтара — олохтоохтор ахсынньы 31 күнүттэн тохсунньу 11 күнүгэр диэри сынньаныахтара. Бу туһунан РФ Бырабыыталыстыбатын 2026 сылга өрөбүл күннэри көһөрүү туһунан дьаһалыгар этиллэр.

Субуотаҕа уонна баскыһыанньаҕа түбэһэр, бырааһынньыктааҕы үлэлээбэт күннэр — тохсунньу 3 уонна 4 күннэрэ — ахсынньы 31 уонна тохсунньу 9 күннэригэр көһөрүлүннүлэр.

РФ Үлэҕэ уонна социальнай харыстабылга миниистирэ Антон Котяков ТАСС-ка иһитиннэрбитинэн, бу кэлэн иһэр өрөбүллэр кэнники сыллары кытта тэҥнээтэххэ аан бастакытын саамай уһун.

Санатан эттэххэ, от ыйыгар Үлэ министиэристибэтэ 2026 сылга анаан бырааһынньык күннэрин халандаарын бигэргэппитэ. Кэлэр сылга 365 хонуктан 118-һа бырааһынньык уонна субуота-баскыһыанньа өрөбүллэргэ түбэһэр, оттон хаалбыт 247 хонук — үлэ күннэрэ.