Саҥа дьылга мандарин атыылаһарга туохха болҕомто уурар ирдэнэр?

Саҥа дьылга бэлэмнэнэн сотору Саха сирин олохтоохторо мандарины атыылаһыахтара. СӨ Роспотребнадзора маныаха туохха болҕомто уурар ирдэнэрин сүбэлиир.

Мандарины атыылаһаргытыгар сирийэн көрүҥ. Өскөтүн мандарин бу курдук буоллаҕына атыылаһыҥ:

— сыттаах;

— сөбүгэр кытаанах;

— судургутук хахтанар;

— биир тэҥ өҥнөөх.

Ханнык түгэҥҥэ атыыласпат ордугуй:

— сытыйбыт, түүнүктээх буоллаҕына;

— олус сымнаҕас эбэтэр кытаанах уонна кураанах;

— оҥо хаһыллыбыт, дьөлөҕөстөөх буоллаҕына;

— хаҕа алдьаммыт түгэнигэр.

Маны билэр ирдэнэр:

— От күөҕэ өҥнөөх сэбирдэхтээх кутуруктаах буолара мандарин сибиэһэйин туоһулаабат.

— Аһа төһөнөн сырдык да, соччонон аһыы амтаннаах буолар.

Уопсай быраабыла:

— Фруктаны атыы көҥүллэммэт миэстэлэриттэн атыылаһымаҥ.

— Атыылыыр сир стеллажтардаах, тэрилтэ аата уонна үлэлиир бириэмэтэ суруллубут, бородууктаҕа сыаната ыйыллыбыт  буолуохтаах.

— Атыыһыт санитарнай таҥастаах, бейджиктээх, онно аата, араспаанньата суруллубут буолуохтаах.

— Атыыһыт бэйэтин кытта мэдиссиинэҕэ киниискэтэ уонна бородууксуйа хантан аҕылыллыбытын, хаачыстыбатын туоһулуур докумуона баар буолуохтаах.

— Бородууксуйа ирдэбилгэ эппиэттиир сэртипикээттээх буолуохтаах.

Фруктаны сиэххит иннинэ кичэйэн сууйуҥ.