Хаартыска: куйаар аһаҕас ситимиттэн
Дьиэ подъезтарын Саҥа дьылга киэргэтии сорох түгэҥҥэ ыстарааптаныыга тиэрдиэн сөп. Бу туһунан «Прайм» ааҕыныстыбаҕа Европатааҕы юридическай сулууспа бастыҥ юриһа Олег Черкасов кэпсээтэ.
«Бастакытынан, сорох олохтоохтор бэйэлэрэ көҥүллээн подъезд истиэнэлэрин, кирилиэс тутаахтарын, лифт кабиналарын уо.д.а. киэргэтэр буоллахтарына, кинилэр Олорор дьиэ кодексатын нуорматын кэһэллэр», — диэн кини эттэ.
Черкасов этэринэн, ааттаммыт эбийиэктэр дьиэ уопсай бас билиитэ буолаллар, онон ону туһаныы бары олохтоохтор сөбүлэҥнэринэн эрэ көҥүллэнэр. Олохтоохтор санааларын мунньах ыытан билиэххэ сөп. Олохтоохтор подъеһы бэйэлэрэ киэргэтэргэ быһаарыннахтарына, маны бэйэни салайынан быһаарыы ылыныы курдук сыаналыахтарын сөп.
Юрист этэринэн, бу түгэҥҥэ 100-тэн 300-кэ диэри солкуобай суумалаах ыстараап көрүллэр. Ол эрээри, буруй улахана суоҕунан, эппиэтинэстэн букатын босхолонуон эмиэ сөп. Исписэлиис бэлиэтииринэн, подъеһы киэргэтэр кэмҥэ ордук улахан кутталлаах ыстатыйанан баһаарынай утары быраабылалары кэһии буолуон сөп. Маннык кэһии иһин олохтоохторго 5-тэн 15 тыһыынчаҕа диэри солкуобай, оттон салайар хампаанньаҕа – 300-тэн 400 тыһыынчаҕа диэри ыстараап ананар. Бу иннинэ Брянскай уобалас Дууматын дьокутаата Михаил Иванов Арассыыйаҕа фужер, арыгы бытыылкатын уонна арыгыны иһиини кытта сибээстээх атын табаардар курдук Саҥа дьыллааҕы киэргэллэри атыылыыры хааччахтыырга эппитэ. Кини этэринэн, маннык харыйа оонньуурдара уонна оҕолорго аналлаах сувенирдар кистэлэҥ буортулаахтар
Бүгүҥҥү күн – наҕыл, сымнаҕас уонна дьиэҕэ-уокка чугас дьону кытта сынньанарга табыгастаах кэм. Ый Оҕус…
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…