Саҥа дьылга тугу бэлэхтиибит?
![](https://sakha-sire.ru/wp-content/uploads/2023/12/sana-dyllaagy-beleh-900x596.jpg)
Билигин дойду үгүс олохтооҕо, бука, Саҥа дьыллааҕы бэлэх атыылаһар, бэлэмниир түбүгэр сырыттаҕа. Дьон тугу бэлэхтиир эбитий?
“Уопсастыбаннай санаа” пуонда ыыппыт ыйытыгар олоҕурдахха, Арассыыйа олохтооҕун 87 бырыһыана Саҥа дьылга бэйэ-бэйэтигэр бэлэх бэрсэр эбит. Социологтар чахчыларынан, дойду олохтооҕун 66 % оҕолорго, 59 % дьиэ кэргэн улахан дьонугар, аймахтарга, тапталлаахтарыгар, 34 % чугас доҕотторугар, 13 % бииргэ үлэлиир дьонугар бэлэхтииллэр эбит. Ыйытык көрдөрбүтүнэн, 52 % бэлэҕи эрдэ, 28 % хаалбыт бүтэһик күннэргэ атыылаһаллар.
Онтон SuperJob ыыппыт ыйытыгар олоҕурдахха, Саҥа дьыл бырааһынньыыгар эр дьон харчы, тутууга, өрөмүөҥҥэ туһаныллар үстүрүмүөн, успуорка уонна сынньалаҥҥа аналлаах табаары бэлэх ылыан баҕарар эбит. Дьахталлар сынньана барарга путевка, үөрэххэ уонна көмүс маҕаһыыныгар сэртипикээт диэн хоруйдаабыттар. Ол курдук, Арассыыйа олохтооҕун 20 % кэмбиэргэ харчы, 18 % сынньана барарга путевка, 7 % туох эмэ электроннай тэрил, 6 % үөрэххэ сэртипикээт, 5 % тутуу, өрөмүөн үстүрүмүөнүн бэлэх ылыан баҕарарын туһунан эппит.
Сообщить об опечатке
Текст, который будет отправлен нашим редакторам: