Саҥа дьыллааҕы бырааһынньыктарга сүппүт 25 саастаах эр киһи көһүннэ

Дьокуускайга 10 хонук устата сүппүт 25 саастаах эдэр киһини көрдөөтүлэр.

Бүтэһигин бу киһи аймахтарын кытта сибээскэ ахсынньы 31 күнүгэр  тахсыбыт. Полицияҕа убайа сүппүтүн туһунан эдьиийэ тыллаабыт диэн ИДьМ пресс-сулууспата суруйар.

Дьокуускайга эдэр киһи үлэ көрдөнө кэлбит уонна сынньанар кииҥҥэ үлэлии киирбит. Ахсынньы 31 күнүгэр клиеннэр элбэҕиттэн салгыы үлэлии хааларга быһаарыммыт. Бу туһунан кини Саҥа дьылы тэҥҥэ көрсүөхтээх эдьиийигэр төлөпүөнүнэн кэпсээбит, ол кэнниттэн сураҕа суох сүппүт. Саҥа дьыл түүнүгэр эдэр уол өссө биир доҕоругар эрийэн тахсыбыт эрээри, салгыы эмиэ сибээстэн сүппүт. Тохсунньу 5 күнүгэр диэри кэтэһэн баран аймахтара полицияҕа сайабылыанньа суруйбуттар.

«Дьолго, сураҕа суох сүппүт киһи көһүннэ. Эдьиийэ көрдүүр кэмигэр, быраата күүлэйдии сылдьыбыт . Эр киһи  тохсунньу 11 күнүгэр сибээскэ тахсыбыт. Ону таһынан эдьиийигэр көрдүүр үлэлэри ыыппыттарынан кыыһырбыт», — диэн полицияҕа кэпсээтилэр.