Хаартыска: pxhere саайтан
Ахсынньы 29 күнүттэн тохсунньу 8 күнүгэр диэри Арассыыйа авиахампаанньаларынан барыта үс мөлүйүөнтэн тахса киһи көппүт. Бу туһунан Арассыыйа бэрэсидьиэнин мунньаҕар РФ тырааныспарын миниистирэ Роман Старовойт иһитиннэрдэ.
“Ахсынньы 29 күнүттэн тохсунньу 8 күнүгэр диэри Арассыыйа авиахампаанньаларынан үс мөлүйүөнтэн тахса киһи туһаммыт. Итинтэн 2,2 мөлүйүөн киһитэ Арассыыйа иһинэн көппүт. Көтөр ааллар туолуулара 85 бырыһыаҥҥа тэҥнэспит, ити былырыыҥҥы көрдөрүүтээҕэр икки бырыһыанынан үрдүк”, — диэн бэлиэтиир миниистир Роман Старовойт.
Саҥа Дьыл күн түүн 12 чааһы алта тыһыынчаттан тахса киһи үөһээ халлааҥҥа сөмөлүөккэ олорон көрсүбүт. Тохсунньу 1 күнэ үүнэр түүнүгэр Арассыыйа авиахампаанньаларыттан 56 сөмөлүөт көппүт. Миниистир мунньахха иһитиннэрбитинэн, Саҥа Дьыллааҕы өрөбүллэргэ саамай элбэх киһи Москваҕа, Санкт-Петербурга, Сочига, ону сэргэ Карелияҕа, Калининградка, Хотугу Кавказка, Алтайга көппүт.
Саха сиригэр саҥа холбоспут, 25 саастарын туола илик 1268 паара 50 тыһыынча солкуобай сумалаах биирдэ…
Бу күннэргэ ыһыах түһүлгэтигэр киирэн бэрт үөрүйэхтик оһуохай таһаара сылдьар оҕо видеота социальнай ситиминэргэ киэҥник…
Бэҕэһээ, бэс ыйын 25 күнүгэр, Даши Намдаков быыстапкатын сүнньүнэн MAAYAAN ювелирнай тэрилтэ оҥоһуктарын уонна Марфа…
Таатта улуустааҕы киин балыыһатыгар 600 тыһ. тахса диагностическай чинчийии ыытыллыбыт. Бу балыыһа 2023 сыллаахха үлэҕэ…
Бүгүн, бэс ыйын 26 күнүгэр, байыаннай дьайыы бэтэрээннэрин ассоциациятын тэрийэр туһунан кэпсэтии буолла. СӨ Байыаннай…
ИДьМ Өймөкөөн улууһунааҕы салаатын холуобунай ирдэбил үлэһиттэрэ РФ ХК 111 ыст. 4 ч. буруйу оҥорууга…