Лена Потоцкая хаартыскаҕа түһэриитэ
Бүгүн, ахсынньы 1 күнүгэр, күнүс 16:00 чааска «Кыһын Саха сириттэн саҕаланар» бэстибээл чэрчитинэн Дьокуускай куоракка Өрөспүүбүлүкэ болуоссатыгар дойду үрдүнэн Саҥа дьыллааҕы харыйа уота араас өҥүнэн күлүмүрдүү умайда.
Хаһан да буоларын курдук, бу тэрээһиҥҥэ үгүс киһи сырытта. Кинилэртэн биирдэстэрэ — Илья Николаев ыраах Эбээн Бытантай улууһуттан кэлэ сылдьар.
— Саҥа дьыл — саамай сөбүлүүр бырааһынньыгым. Ол иһин Саҥа дыл биир умнуллубат бэлиэтин — кэрэчээн харыйаны араас уотунан уматыыга икки саастаах уолбун кытта кэллим. Кырачааным билигин Саҥа дьыл харыйатын уота диэни өйдөөбөт. Ол эрээри кини да сотору мин курдук Тымныы оҕонньору кэтэһиэ турдаҕа. Мин 11 сааспар диэри Тымныы оҕонньор баарын итэҕэйэр этим. Ол эрээри биир утренникка аҕам табаарыһа Тымныы Моруос бытыгын кэтэ турарын көрөн наһаа соһуйбутум. Сотору буолан баран, кини оҕолорго тахсан харыйа тула тэҥҥэ хоробуоттаан барбыта. Онно наһаа хомойбутум, Тымныы оҕонньор остуоруйаҕа эрэ баарын билбит күнүм ол этэ. Саҥа дьыллааҕы курааннар тыастарынан быйылгы дьылга баҕарбыт санаам барыта туолла. Онон 2026 сылга эмиэ баҕа санаабын этиэм дии сылдьабын. Онон бу харыйа күлүмүрдэс уоттара Саҥа дьыллааҕы үөрүүнү аҕаллыллар, — диэн санаатын үллэһиннэ Эбээн Бытантай олохтооҕо Илья Николаев.
Саҥа дьыллааҕы тыын биллибитинэн, күндү доҕоттор!
Хаартыскаларга ааптар түһэриитэ
Бүгүн, тохсунньу 17 күнүгэр, Тымныы полюһунан аатырар Өймөкөөн улууһугар аан дойдутааҕы таһымнаах улахан успуорт тэрээһинэ…
Тохсунньу томороон тымныыта түһэн турар. Баччаларга Саха сирин үрдүнэн таҥха кэмэ саҕаланар, сүллүүкүүттэр тахсаллар. Аныгы кэмҥэ ким да кинилэри илэ көрбүтэ суох эрээри, дьэ хата кимнээҕэр дьон олоҕор “орооһоллор” үһү. …
Горнай улууһугар Атамай орто оскуолатыгар үөрэнээччилэр кыһыҥҥы сынньалаҥнарын кэмигэр устудьуоннары кытта истиҥ-иһирэх көрсүһүү буолла. Биһиги…
Байыаннай дьайыыга тыһыынчанан миэдик үлэлиир. Олортон биирдэстэринэн байыаннай дьайыы кыттыылааҕа, миэдик идэлээх, «За отвагу», «Спасение…
Үүммүт 2026 сылга Саха сиригэр үлэ төлөбүрүн алын кээмэйэ (МРОТ) уонна тиийинэн олоруу алын кээмэйэ…
Ааспыт сууккаҕа Саха сиригэр буруйу оҥоруу сэттэ түбэлтэтэ бэлиэтэммит. Бу туһунан СӨ Борокуратууратын пресс-сулууспата иһитиннэрэр. Ол…