Хаартыска: Владислав Третьяков.
Саҥа дьыллааҕы настарыанньаны, бырааһынньыгы атын ким да буолбатах, бэйэбит оҥоробут. Сорохтор бэйэлэригэр эрэ буолбакка, атын дьоҥҥо эмиэ кэрэ-бэлиэ, үөрүүлээх түгэннэри бэлэхтииллэр.
Сунтаар улууһун Куокуну сэлиэнньэтигэр киирэр аартыкка биир кэрэчээн лаглайбыт харыйаны ким эрэ араас өҥнөөх муус оҥоһуктарынан киэргэтэн кэбиспит. Дьон-сэргэ олус биһирээбитэ, үөрбүтэ. Улахан дьон оҕо саастарын санаабыттара. Урут итинник уу кутан, акварелынан кырааскалаан баран, тоҥорон, таһырдьа турар харыйалары симиир этилэр. Бары ким «кистэлэҥ Санта» буоларын таайа сатаабыттара.
Ааһар дьоҥҥо барыларыгар Саҥа дьыллааҕы тыыны бэлэхтиир харыйаҕа өссө эбии ким эрэ кэлэн, фанераттан 2025 диэн суруктаах, үөрбүт хаар киһи ойуулаах киэргэли уурбут. Өссө уоттаах-күөстээх гирлянданы ыйаатахтарына, ойуур ортотугар остуоруйа көстүүтүгэр кубулуйуох эбит. Бу туһунан Куокуну бибилэтиэкэтин саайтыгар суруйаллар.
Оттон Кутана сэлиэнньэтин олохтооҕо Владислав Третьяков массыынатын дьэрэкээн уоттаах гирлянданан киэргэтэн, көрбүтү эрэ кэрэхсэттэ, үөртэ. Кини «Северный Патрик» диэн автокулууп чилиэнэ. Владислав массыынатын маннык киэргэтиэн баҕарбыта ырааппыт эбит, эрдэттэн гирлянданы интэриниэтинэн сакаастаабыт. Барыта 200 миэтирэ уһуннаах, 2000 лаампалаах гирлянданы сыһыарбыт.
Санатар буоллахха, Дьокуускайга эмиэ маннык киэргэммит, үрдүлэригэр уоттаах харыйаны тиэммит массыыналар эмиэ сылдьыбыттара. Бэл, кэлээскилээх матассыыкылга харыйаны тиэйбит Тымныы оҕонньор айаннаан, «былааһы ылбыта».
Саха Өрөспүүбүлүкэтин Тырааныспарга уонна суол хаһаайыстыбатын министиэристибэтэ муус туруутунан сибээстээн «Жатай – Төхтүр – Жатай»…
Күн ньууругар хамсааһын эмиэ күүһүрбүтэ бэлиэтэнэр. Учуонайдар этэллэринэн, икки нэдиэлэлээх тохтобул кэнниттэн Күҥҥэ кэмиттэн кэмигэр…
Сэтинньи 2 күнүгэр, күнүс 12 чаас саҕана, ГАИ дьуһуурунай чааһыгар суол саахала тахсыбытын туһунан иһитиннэрии…
Алтынньы 3 күнүгэр баһаарынай-быыһыыр сулууспатыгар Амма улууһун Соморсун нэһилиэгэр Константинов уул. дьаһалта дьиэтигэр уот турбутун…
Ытыктабыллаах Сахам сирин олохтоохторо! Саха Өрөспүүбүлүкэтин салалтатын уонна тус бэйэм ааппыттан судаарыстыбаннай бырааһынньыгынан – Норуот…
Росреестр дойдуга саамай дьикти ааттардаах уу эбийиэктэрин рейтинин оҥордо уонна испииһэккэ Саха сириттэн үс күөлү…