Нина Саввина хаартыскаҕа түһэриитэ
Саҥа 2026 сылга үктэнэрбит чугаһаата. Хас биирдии дьиэ кэргэн, оҕотуттан улахан киһитигэр тиийэ, саҥа сылтан туох эрэ саҥаны, кэрэни, үчүгэйи долгуйа күүтэр. Оҕолор баҕарар бэлэхтэрин тутаары кэтэһэллэр, улахан дьон кэрэ, ураты үчүгэй уларыйыыны, үөрүүнү.
Онтон бырааһынньыгы көрсө саамай түбүгүрээччилэринэн дьиэ хаһаайкалара буолаллар. Дьиэни-уоту киэргэтии, саҥа, сонун бүлүүдэлэр ырысыаптарын мунньуу, маскараат бэлэмнээһинэ, таҥас-сап тигиитэ. Маны таһынан, бириэмэлэрин аттарынан нэһилиэккэ ыытыллар куруһуокка сылдьаллар, иис араас көрүҥэр үөрэнэллэр.
Биһиэхэ, нэһилиэкпитигэр, күүтүүлээх Саҥа дьыл бырааһынньыгын көрсө баатанан харыйа оонньуурдарын оҥоро үөрэннилэр.
Маны сэргэ, араас матырыйаалтан үүнэр 2026 сыл бэлиэтин — Дьөһөгөйү тигэн, киэргэтэн, чугас дьонноругар бэлэхтээри бэлэмнииллэр.
Ураты оҥоһуктарынан нэһилиэккэ быыстапка тэрийэр былааннаахтар. Ыал тапталлаах ийэлэрин, күндү эбэлэрин, мааны эдьиийдэрин, уран тарбахтаах иистэнньэҥнэрин былааннара элбэх. Дьоннорун-сэргэлэрин үөрдэр туһугар сонуну, уратыны, сөхтөрөрү, үөрдэри толкуйдууллар.
Саҥа сыл бар дьоммутугар санааларын көтөхтүн, дьол-соргу тосхойдун, үөрүүлэрин үксэттин.
Нина Саввина
Аппааны, Нам.
Ааптар хаартыскаларга түһэриитэ
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…
Арассыыйа Баанын Саха сиринээҕи салаатыгар түөкүттэргэ албыннаппаттарын уонна үптэрин-харчыларын сүтэрбэттэрин туһугар килийиэннэрин көмүскээбит баан үлэһиттэрин…
Таатта улууһугар СӨ ситэриилээх былааһын уорганнара 2025 сыллааҕы үлэлэрин түмүгүнэн отчуоттара саҕаланна. Бырабыыталыстыба оробуочай бөлөҕүн…