Саҥа эрэгийиэннэргэ көмө рейтинигэр Саха сирэ 5-с миэстэлээх

Ыам ыйын 19 күнүгэр ANNA News диэн информационнай ааҕыныстыба Арассыыйа саҥа эрэгийиэннэрин чөлгө түһэриигэ атын эрэгийиэннэр кылааттарын көрдөрөр рейтини таһаарда.

Манна 4 көрдөрүүнү учуоттаабыттар: көмө кэлимник ыытылларын, инфраструктураны ситиһиилээхтик сөргүтүүнү, эрэгийиэн салалтатын кылаатын, информационнай эйгэҕэ уопсайынан уонна саҥа эрэгийиэннэр олохтоохторун сыанабылларын.

Ол курдук, рейтиҥҥэ 20 бастыҥ эрэгийиэннэри ааттаабыттар.

▪️1-2 миэстэ – Севастополь;

▪️1-2 миэстэ – Москва;

▪️3 миэстэ – Ростовскай уобалас;

▪️4 миэстэ – Воронежскай уобалас;

▪️5 миэстэ – Саха сирэ;

▪️6 миэстэ – Нижегородскай уобалас;

▪️7-8 миэстэ – Санкт-Петербург;

▪️7-8 миэстэ – Калужскай уобалас;

▪️9 миэстэ – Иркутскай уобалас;

▪️10-11 миэстэ – Тульскай уобалас;

▪️10-11 миэстэ– Липецкай уобалас.

Дакылаакка этиллэринэн, сорох эрэгийиэннэр бу боппуруоска сөптөөх болҕомтолорун уурбатахтара бэлиэтэммит.

— Шефтэһии, көмөнү оҥоруу бырагыраамалара үрдүк көдьүүстээхтэрин көрдөрдүлэр. Саҥа эрэгийиэннэргэ инфраструктураны чөлүгэр түһэрии тэтимнээхтик ыытыллар. Эрэгийиэннэри кытта саҥа култуурунай, экэнэмиичэскэй сибээстэр олохтоноллор. Бу рейтининэн маннык үлэ суолтатын бэлиэтиэхпитин, бастыҥ уопуту тарҕатыахпытын баҕарабыт, — диэн ANNA News ааҕыныстыба сүрүн эрэдээктэрэ Анатолий Матвийчук кэпсээтэ.