Саҥа фонтаны хаһан үлэлэтиэхтэрэй?

Өрөспүүбүлкэ болуоссатыгар баар саҥа фонтаны хаһан үлэлэтиэхтэрэй? Бу туһунан Дьокуускай куорат дьаһалтатын үлэһиттэрэ былааннарын кэпсээтилэр.

Дьокуускай куорат архитектураҕа, куораты тутууга управлениетын салайааччы Любовь Папок иһитиннэрбитинэн, фонтаннары барыларын бэс ыйын 1 күнүгэр — Оҕо көмүскэлин аан дойдутааҕы күнүгэр үлэлтэр былааннаахтар.

— Блигин фонтаннары үлэлэтии былааҥҥа бэс ыйын 1 күнүгэр турар. Ол эрээри, быйыл сааспыт эрдэлээтэ. Күн-дьыл туругуттан көрөн, баҕар, бу даататтан эрдэ да арыйыахпытын сөп. Өрөспүүбүлүкэ болуосстаыгар баар фонтан систиэмэтэ уустук буолан, кыраадыс эрэсиимин тутуһуллуохтаах, — диэн салайааччы кэпсээтэ.

Урукку сылларга фонтаннары эмиэ бэс ыйын 1 күнүгэр үлэлэтэр этилэр. Куоракка сайын кэлбитин, оҕо аймах бырааһынньыга буолбутун бэлиэтэ буолааччы. Күн-дьыл сылыйдар сылыйан иһэр, ол күммүт да чугаһаата.

Өрөспүүбүлүкэ болуоссатывгар баар саҥа фонтан күһүн хойут оҥоһуллан бүппүт буолан, үгүстэр үчүгэйдик көрбөккө хаалбыттара. Дьэ, быйыл саҥардыллыбыт болуоссакка күүлэйдии таарыйа, Дьокуускай куорат олохтоохторо сылаас кэмҥэ үчүгэйдик көрүөхтэрэ-истиэхтэрэ, күүлэйдиэхтэрэ, сынньаныахтара буоллаҕа.