Хаартыска: ааптар тиксэриитэ
Таатта улууһун Харбалаахтааҕы үөрэхтээһин холбоһугар үөрүүлээх күн тосхойдо. «Үөрэхтээһин» национальнай бырайыак сүнньүнэн «Сайдыы төрдө» «Точка роста» 4 кэбиниэтэ үөрүүлээх быһыыга арылынна. Физика, биология, химия, информатика кэбиниэттэригэр оҕолор эбии дьарыктанан, сайдар суолларыгар олук уурулунна.
Быйыл оскуоланы бүтэрбит 8 үөрэнээччибит сөбүлүүр идэтигэр үөрэххэ киирдэ. Математика, нуучча тылын БКЭ-рин 11 кылаастарбыт үрдүк баалга туттарбыттара. Бу уопуттаах учууталлар Бястинова Ирина Романовна, Григорьева Ксения Владимировна утумнаах үлэлэрин үтүө түмүгэ буолар.
Дириэктэр Анна Васильевна Мосоркина үөрэнэр, үлэлиир усулуобуйа баар буоларын туһугар кэскиллээхтик үлэлиир. Быйыл маҥнайгы кылааска 16 үөрэнээччи киирдэ. Кинилэри иккис сылын үлэлиир эдэркээн, кэскиллээх учуутал Кристина Игнатьевна Старостина үөрэтэр.
Быйыл оскуоланы бүтэриэхтээх 11 кылаастарбыт ааспыт үөрэх дьылыгар волонтерскай, тимуровскай, байыаннай-патриотическай хайысхаларга, «Ытык сирдэр» бырайыак сүнньүнэн үгүс үлэни ыытаннар, “Арассыыйаҕа үөрэхтээһин көмүс пуонда” Бүтүн Арассыыйатааҕы куонкуруска кыттыннылар, кинилэргэ анал диплом, кубок кэллэ. Бу оҕолору саха тылын учуутала Трофимова Варвара Павловна салайар. Сотору кэминэн өссө икки толору сэбилэниилээх мастарыскыай аһыллыахтаах.
Онон үөрэх-сайдыы суолугар тэҥҥэ үктэһэр усулуобуйа тэриллэриттэн үөрэбит!
Таисия АНДРЕЕВА
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…