«Саҥа кэмҥэ күүстээх идеялар» пуорумҥа сайаапкалары биэриэххэ сөп

Каадыр бэлиитикэтэ биир тиһиктээх көрүүнү – каадырга наадыйыыны барыллааһынтан  саҕалаан, үөрэххэ инновационнай ньымалары киллэриини эрэйэр.

Тэрийээччилэр «Саҥа кэмҥэ күүстээх идиэйэлэр» пуорум «Национальная кадровая инициатива» хайысха чэрчитинэн  каадыры бэлэмнээһин биир кэлим систиэмэтин  оҥорор кыахтаах быһаарыылары көрдүүллэр. Ураты болҕомто үлэ ырыынагар 5-10 сыл урутаан наадыйыыны сабаҕалыыр бырайыактарга ууруллар. Үөрэх саҥа ньымаларын нөҥүө исписэлиистэри  бэлэмнииллэр,  идэлэргэ үөрэнээччилэри VR уонна геймификация нөҥүө интэриэһиргэтэллэр, учууталлары сыыппаралаах үнүстүрүмүөннэринэн үлэлииргэ үөрэтэллэр.

Дойдуга уларыйыылары киллэрэргэ бэйэ санааларын 2025 сыл ыам ыйын 15 күнүгэр  диэри идея.росконгресс.рф платформаҕа биэриэххэ сөп. Эспиэрдэр ону сэргэ ТОП-100 киирэр санаалары сүүмэрдиэхтэрэ. Ордук күүстээхтэр от ыйыгар  Москваҕа пуорум түмүк тэрээһинигэр дойду салалтатыгар билиһиннэриэхтэрэ.

Пуорум тиэмэлэринэн  Арассыыйа 19 национальнай бырайыага, ол иһигэр «Каадырдар» бырайыак, буолар.

Крауд-платформаҕа сайаапкалары биэрии саҕаланыаҕыттан — 12 тыһыынчаттан тахса, НКТ треккэ  Арассыыйа бары эрэгийиэннэриттэн кэриэтэ 1200-тан тахса идея киирдэ. Кыттааччылар хас биирдии киһи кыаҕын арыйар уонна экэниэмикэни идэлээх исписэлиистэринэн хааччыйар кыахтаах бырайыактары киллэрэллэр.

Аныгы учууталлара суох хаачыстыбалаах үөрэх кыаллыбат, онон учууталлар саҥа технологиялары кытары үлэлииллэригэр уонна  үөрэнээчилэри көҕүлүүллэригэр  хос үөрэтиигэ саҥа санаалар наадалар. Өссө биир сорук – омук исписэлиистэрин Арассыыйаҕа тардыы.