Анивера Акимова хаартыскаҕа түһэриитэ
Сэтинньи 13 күнүттэн «Присутствие» диэн саҥа мистическэй киинэ киэҥ экраҥҥа көстүөҕэ.
Бу иннинэ суруналыыстарга, блогердарга, уопсастыбанньыктарга анаан киинэни көрдөрдүлэр. «Лена» киинэ тыйаатырыгар үгүс киһи тоҕуоруста.
Киинэ режиссера суруналыыс, сценарист, продюсер, ураты суоллаах-иистээх — Аполлинария Дегтярева.
Мистическэй триллергэ кылаабынай оруолу Олоҥхо тыйаатырын артыыската Анастасия Алексеева толорбут. Бу Анастасия киинэҕэ бастакы холонуута. Маны таһынан Валентина Романова -Чыскыырай, Дмитрий Хоютанов, Сарыал Кириллин, Рудольф Спиридонов оонньоотулар.
Режиссер бастакы улахан үлэтэ буолан, олус долгуйан туран, кэлбит дьоҥҥо махтанна, киинэ кэннэ хайаан да санааҕытын атастаһаарыҥ диэн ыҥырда.
Киинэҕи бэйэтэ бэйэтигэр бүгэн олорор, соҕотохсуйан араас санааҕа-онооҕо ылларар кыыс туһунан кэпсэнэр. Киинэ соһуччу атыннык түмүктэнэр, онон киһини үгүстүк толкуйдатар. «Философскай хабааннаах киинэ диэн сыаналыахха сөп», — диэн бастакы көрөөччүлэр санааларын үллэһиннилэр.
«Присутствие» бу национальнай колориттаах аныгы триллер-хоррор буолар. Киинэни устар санаа уонча сыллааҕыта киирбитэ. Сценарийа хаста даҕаны уларыйан, бастакы идиэйэтиттэн олох кыра чааһа эрэ киирдэ,- диэн режиссер https://jour-ykt.ru/ интервьютугар кэпсээн турар.
Хартыына 2024 сыллаахха «Дух огня» киинэ дебюттарын норуоттар икки ардыларынааҕы бэстибээлин лауреатынан буолбут. Итиэннэ «Маяк» бэстибээл сүрүн куонкуруһун быһаарыытынан, Арассыыйа 10 бастыҥ киинэтин иһигэр киирбит. Маны таһынан, «ПРИСУТСТВИЕ» 2023 сыллаахха Бишкектээҕи норуоттар икки ардыларынааҕы киинэ бэстибээлигэр кыттыбыт.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…