Хаартыска: Наталья Попова.
Саха тылын Национальнай куорпуһа оҥоһуллан, кулун тутар ыйга тахсыаҕа. Бу куорпуһу оҥорорго үлэ 2022 сылтан саҕаламмыта. Гуманитарнай чинчийии уонна аҕыйах ахсааннаах хотугу норуоттар кыһалҕаларын институтун үлэһиттэрэ ылсан, оҥоро сылдьаллар.
Бастаан тыл үөрэхтээхтэригэр, лингвистическэй чинчийиилэргэ анаан толкуйдаабыттар эрээри, кэлин элбэх дьоҥҥо наадалааҕын, тылы сайыннарыыга олук буоларын өйдөөбүттэр.
Тыл куорпуһа — информационнай-ыйынньык систиэмэтэ. Электроннай көрүҥүнэн тиэкистэри хомуйаллар. Манна литература айымньылара, научнай, үөрэтэр хабааннаах, хаһыаттар, саайтар, социальнай ситимнэр, интэриниэт-пуорумнар тиэкистэрэ киирбиттэр.
Бүгүҥҥү туругунан, 15 мөлүйүөн кэриҥэ тыл ситимэ киирбит. Бу кээмэйи 20 мөлүйүөҥҥэ тиэрдэр былааннаахтар. Манна Арктикатааҕы култуура, ускуустуба институтун үлэһиттэрэ кыттыһаллар.
Тыл куорпуһа сэттэ салаалаах: тиэкистэр; морфологическай анализатор; табылыыссанан грамматика; дааннайдар баазалара (топонимнар, диалектизмнар, фразеологизмнар, архаизмнар, тиэрминнэр, ааттар, туохтуурдар тиэмэлээх бөлөхтөрө, ааттар уонна араспаанньалар); тылдьыттар; бырайыак туһунан салаа; көмөлөһөр ыйынньык.
Холобур, сирдэр ааттарын интерактивнай каартаҕа булуохха сөп. Түөлбэ тылларын, былыргы умнуллубут тыллары, о.д.а. көрдөтөн булуохха сөп.
Бырайыак тэхиньиичэскэй өттүгэр институт үлэһитэ Василий Бочкарев эппиэтинэстээх. Бырайыак салайааччыта — филологическай наука хандьыдаата Наталя Попова.
Бу бырайыак Саха сирин судаарыстыбаннай, официальнай тылларын харыстыыр өрөспүүбүлүкэтээҕи бырагыраама чэрчитинэн, олоххо киирдэ. Саха тыла сыыппара эйгэтигэр киирэн, үүнэр көлүөнэлэргэ тиийэригэр олук уурулунна. Манна эбэн эттэххэ, аан дойдуга баар Оҥоһуу өй бырагыраамалара бу куорпуска киирэн үөрэнэн, сахалыы саҥарар буолаллар.
Илиҥҥи экэнэмиичэскэй пуорумҥа (ИЭП) Саха Өрөспүүбүлүкэтэ уонча сыл устатыгар 200-тэн тахса сөбүлэһиини түһэристэ. Олору олоххо…
Аһыырбытыгар сыһыаннаах сиэр-туом туһунан билэҕин, истибитиҥ дуо? Тугу билиэхтээх, тутуһуохтаах эбиппитий? Айыы үөрэҕэ тугу этэрий,…
Балаҕан ыйын 1 күнүгэр Дьокуускайга өссө биир саҥа оскуола аанын тэлэччи арыйда. Бу Бастакы Бэрэсидьиэммит…
Байыаннай дьайыы кыттыылаахтарын оҕолоругар өйөбүлү оҥоруу Саха Өрөспүүбүлүкэтин үөрэҕин уонна билимин министиэристибэтин үлэтин биир сүрүн…
СӨ И.Н. Егоров - Горнай аатынан харахтарынан мөлтөхтүк көрөр дьон анал бибилэтиэкэлэрэ Өрөспүүбүлүкэтээҕи анал коррекционнай…
Дьокуускай олохтоохторо, ыалдьыттара оптуобуһунан айанныыр кэмнэригэр аудиогид көмөтүнэн куорат устуоруйатын, араас номохтору, суоппардар ис сүрэхтэриттэн…