Саҥа кыбартыыра күлүүстэрин туттардылар

«Саха Өрөспүүбүлүкэтигэр тулаайах уонна көрүүтэ-истиитэ суох хаалбыт оҕолору дьиэнэн хааччыйыы» бырагырааманан быйыл Үөһээ Бүлүү улууһугар 5 тулаайах уонна көрүүтэ-истиитэ суох хаалбыт оҕолорго саҥа кыбартыыра күлүүстэрин туттардылар. Бу туһунан улуус баһылыга Валерий Николаев иһитиннэрдэ.

Үөһээ Бүлүү сэлиэнньэтигэр  Интернациональнай уул. 3, Ленин уул.  57, Школьнаяй уул.  13, Ленин уул. 1, Строительнай уул. 13  нүөмэрдэх дьиэлэригэр толору хааччыллыылаах таас дьиэлэр  Фокин Айаан Григорьевичка, Николаева Аина Ильиничнаҕа, Васильев Василий Николаевичка, Ильин Олег Васильевичка, Николаева Галина Ильиничнаҕа саҥа кыбартыыралар  бэрилиннилэр.

«Дьиэ диэн олоххо чиҥник үктэнии, үлэлииргэ-үөрэнэргэ саамай тирэх буолар улахан көмө. Көрүүтэ-истиитэ суох хаалбыт, тулаайах оҕолору дьиэнэн хааччыйыыга судаарыстыба эппиэтинэстээхтик сыһыаннаһан бу бырагыраамма сыллата ситиһиилээхтик үлэлиир. Санатан этэр буоллахха, былырыын Интернациональнай уулусса 5-с нүөмэрдээх дьиэтигэр 4 кыбартыыра бу бырагырааманан туттарыллыбыта». — диэн баһылык  эбэн эттэ.