«Саҥа матырыйааллар уонна химия» саҥа национальнай бырайыак олоххо киирэр

Арассыыйаҕа дойду иһинээҕи бырамыысаланнас уонна наука сайдыытыгар улахан суолталаах “Саҥа матырыйааллар уонна химия” национальнай бырайыак олоххо киирэн эрэр.

Бырайыак кэскиллээх химическэй уонна биотехнологическай бородууксуйаны оҥорон таһаарыыга инфраструктураны тэрийиигэ, саҥа композитнай матырыйааллары оҥорууга, ону тэҥэ сэдэх сир баайын — күндү тааһы хостооһуҥҥа уонна переработкаҕа туһуланар. Национальнай бырайыагы олоххо киллэрии Арассыыйаҕа стратегическай суолталаах салаалар туруктарын бөҕөргөтөргө, үрдүк технологиялаах оҥорон таһаарыы өйөбүлүн хааччыйарга кыах биэриэҕэ.

Аан дойдутааҕы күрэстэһии күүһүрэр кэмигэр, саҥа матырыйааллары уонна химическэй бырамыысыланнаһы сайыннарыы сүрүн стратегическай хайысха буолан эрэр. Арассыыйатааҕы «Билии» уопсастыбата, дойдуга биир саамай былыргы үөрэх тэрилтэтин быһыытынан, науканы уонна билиини киэҥ нэһилиэнньэ ортотугар тарҕатыыга соруктарын көрөр. Бу бырайыак олоххо киириитэ ыччат наукаҕа уонна тиэхиньикэҕэ интэриэһэ улаатыытыгар, ону тэҥэ бу кэскиллээх салааларга талааннаах исписэлиистэри тардыыга олук ууруоҕар эрэллээхпит», — диэн бэлиэтээтэ «Билии» уопсастыбатын өрөспүүбүлүкэтээҕи салаатын дириэктэрэ Дмитрий Апросимов.