Саҥа MAX мессенджер сыыппара эйгэтигэр куттала суох буолууну хааччыйар

Арассыыйатааҕы MAX мессенджер – сыыппара эйгэтигэр куттала суох буолууну хаччыйар. ИТ-ырыынак эспиэрдэрэ MAX  көннөрү өссө биир мессенджер эрэ буолбакка, сыыппара тутулуга суох буолуутун (суверенитетын) сервиһэ диэн  бэлиэтииллэр.

Саха сирин Ил Дархана Айсен Николаев MAX-ка бэйэтин ханаалын арыйан үлэлэтэр, онно номнуо 3 тыһыынчаттан тахса сурутааччы баар.

«Бүгүн сыыппара технологиялара биһиги олохпут арахсыспат чааһынан буолан иһэллэр. Миэхэ Саха сирин олохтоохторун кытта сибээстэһэр, дьоҥҥо сарсыҥҥы күҥҥэ эрэли үөскэтэр дьыалалар уонна бырайыактар тустарынан кэпсиир олус суолталаах. MAX платформа – хас биирдии киһиэхэ чугаһыырга өссө биир ньыма», — диэн эрэгийиэн салайааччыта бэлиэтээтэ.

Бу платформа балаҕан ыйын 27 күнүгэр буолбут, Айсен Николаев өрөспүүбүлүкэ олохтоохторун кытта «Быһа сибээс» кэмигэр эмиэ туһаныллыбыта. MAX нөҥүө Саха сирин дьонуттан аан бастаан ыйытыылар киирбиттэрэ. Саха Өрөспүүбүлүкэтин Бырабыыталыстыбата эмиэ официальнай ханаалын арыйбыта.

MAX мессенджери VK хампаанньа РФ Сыыппараҕа сайдыытын министиэристибэтин уонна «Ростех» экосистема тэрилтэлэрин өйөбүллэринэн оҥорбут. Сыһыарыы iOS, Android, Windows, macOS платформаларга уонна веб-көрүҥүнэн үлэлиир. Регистрациялааһын аҥаардас Арассыыйа эбэтэр Беларусь нүөмэрдэринэн эрэ кыаллар, оттон туһанааччылар бары дааннайдара сокуоҥҥа сөп түбэһиннэрэн, Арассыыйа сервердэригэр хараллаллар.