Саҥа «Нимбус» вирус ордук сайын тарҕанара күүтүллэр

Саҥа «Нимбус» коронавирус ыарыы көрүҥүнэн бу сайын ыалдьыбыт дьон ахсаана элбиэн сөп диэн  Доруобуйа харыстабылын министиэристибэтэ Великобританияҕа куттал суох буолуу ааҕыныстыбатын   (UKHSA) иһитиннэриитигэр сигэнэн иһитиннэрдэ.

«Нимбус» коронавирус саҥа штамма «омикронтан» үөскээбит уонна Кытайга, Сингапурга, Гонконг куоракка тарҕаммыт.

Бэрэпиэссэр Уорикскай университеттан вирусолог Лоуренс Янг этэринэн, вирус чуолаан сайын сылаас, сииктээх кэмҥэ ордук тарҕанара кутталлаах. Ону тэҥэ «Нимбус» иммунитеттан куотунар кыахтаах буолан, ордук кутталлаах диэн эбэн этэр.

Саҥа вирус уруккуттан уратыта суох сибикилээх — сылайыы, титирии, былчыҥ, күөмэй ыарыыта диэн матырыйаалга бэлиэтэнэр. Бу иннинэ Арассыыйа олохтоохторун Турцияҕа кутталлаах вирус тарҕанаранын айантан аккаастанарга сэрэппиттэрэ. Доруобуйа харыстабылын уонна Роспотребнадзор исписэлиистэрэ «Нимбус» тэнийиитэ вирус атын көрүҥнэриттэн уратыта суох буолан, эбии хааччахтары киллэрэр ирдэммэт дииллэ. Бидэмистибэ дааннайдарынан, дойдуга саҥа вируһунан сутуллуу хас да түбэлтэтэ баара биллибит, ол эрээри ыарыһахтар үтүөрбүттэр.