Хаартыска sakha.gov.ru ылылынна
Саха сиригэр суукка устатыгар саҥа ойуур баһаара бэлиэтэммэтэ.
Бу туһунан бүгүн, атырдьах ыйын 19 күнүгэр, ыксаллаах быһыыны-майгыны сэрэтиигэ уонна баһаартан куттал суох буолуутун хааччыйыыга суһал ыстаап мунньаҕар иһитиннэрдилэр.
Өлүөхүмэттэн, Үөһээ Халыматтан, Өймөкөөнтөн, Муоматтан, Дьааҥыттан иһитиннэриилэри оҥордулар. Ойуур баһаарын умуруорууга атын эрэгийиэннэртэн көмөҕө кэлбит дьону дойдуларыгар төннөрүү боппуруоһа көрүлүннэ. «Уус Маайа оройуонугар ордук элбэх киһи үлэлээтэ. Уоту умуруорууга үлэлээбит дьонтон сорохторо Чита уобалаһыгар уонна Бурятияҕа бэйэлэрин тиэхиньикэлэринэн барыахтара. Салгын аалынан кэлбиттэри сөмөлүөтүнэн ыыталыахпыт. Ити боппуруоһу СӨ Тырааныспар уонна суол хаһаайыстыбатын министиэристибэтэ сүрүннүүр» , — диэн этэр СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников.
Этиллибитинэн, ааспыт сууккаҕа өрөспүүбүлүкэ сиригэр-уотугар ойуур баһаардарын иэнин үс төгүл кыччатары ситиспиттэр. Бүгүҥҥү күҥҥэ уопсайа 56 415 га иэннээх сиринэн 33 ойуур баһаара баара бэлиэтэнэр. Мантан 20 баһаары (уот хаппыт уопсай иэнэ 44 587 га) уонна биир ландшафтнай баһаары (уот хаппыт иэнэ 12 га) Алдан, Үөһээ Халыма, Дьааҥы, Муома, Өймөкөөн, Өлүөхүмэ, Орто Халыма сиригэр-уотугар умуруораллар.
Күн саҕаланыаҕыттан 9 ойуур баһаара умуруоруллубут (уот хаппыт уопсай иэнэ 90 227 га). Ойуур уотун умуруорууга 440 киһи, 8 тиэхиньикэ үлэлиир. Ботуруулааһыҥҥа 9 салгын аала көтөр, 7 уоту умуруорууга үлэлиир. Зондировщик-сөмөлүөттэр үлэлэрин түмүктээбиттэр.
СӨ Ил Дарханын уонна Бырабыыталыстыбатын пресс-сулууспата
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …
Нерюнгри оройуонун салаатын суут бириистэптэрэ биир тэрилтэттэн рекорднай суумалаах хамнаска иэһи ирдээтилэр. Нерюнгри олохтооҕо таҥастыыр…