Хаартыска: Мария Васильева, СИА
Өрөспүүбүлүкэ бырабыыталыстыбатын вице-премьерэ Ольга Балабкина искэҥи эмтиир саҥа киин тутуутун көрдө. Саҥа тутуллар дьиэ уопсай иэнэ 25 670 м2, түөрт этээстээх. Стационарга 180 киһи сытан эрэ эмтэниэн сөп, күҥҥэ 210 ыарыһах көрдөрүөн сөп.
Онкоклиническэй киин дьиэтэ быйыл күһүн үлэҕэ киириэхтээх. Ольга Балабкина тутуу үлэтэ үрдүк бэлэмнээҕин бэлиэтээтэ, ордук стационар баар буолуохтаах үһүс уонна төрдүс блоктарга.
Генбэдэрээтчит бэрэстэбиитэлэ, «Адгезия» ХЭТ дириэктэрэ Ариан Габышев этэринэн, бэс ыйыгар миэбэли— кырабааттары, туумбалары туруоруохтара. Бастакы блокка үһүс этээскэ керамическай билииккэни оҥороллор уонна хостор истинэлэрин сыбыыллар, иккис блокка — ыйанар потолоктары. Тутааччылар блоктар техэтээстэригэр кондиционердар ситимнэрин таҥалларын кэпсээтилэр.
Көрүү түмүгүнэн Ольга Балабкина ыыппыт мунньаҕар баар кыһалҕалары туоратыыны дьүүллэстилэр. Бэс ыйыгар туруоруллуохтаах ыарахан тиэхиньикэни аҕалыы уонна туруоруу боппуруоһун көрдүлэр. Саҥа онкокиин эспиэр кылаастаах медтэрилинэн хааччыллыаҕа.
«Онкокиини үлэҕэ киллэриини Саха сирин Ил Дархана Айсен Николаев Доруобуйа харыстабылын министиэристибэтин уонна тутааччылар иннилэригэр туруорбут соруга буолар. Эбийиэк үлэҕэ киирдэҕинэ Саха сирин олохтоохторугар онкокөмө кэбэҕэстик оҥоһуллуоҕа уонна бу ыарыыттан өлүүнү аччатыаҕа», — диэтэ Ольга Балабкина.
Бүгүн, ахсынньы 22 күнүгэр, биллиилээх бэлиитик уонна уопсастыбаннай диэйэтэл Виктор Губарев олохтон туораабытын туһунан Ил…
Күн Чубуку бэлиэтигэр киириитэ үпкэ-харчыга сыһыаны уларытар. Ыһыы-тоҕуу кэмэ ааһан, барытын чопчу былаанныыр, кэмчилиир уонна…
Бүгүн, ахсынньы 22 күнүгэр, Саха сирин сорох улуустарыгар -48 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 21 күнүгэр, өрөбүллээҕи Оһуокайбытыгар Эҥсиэли түмсүүтүттэн инники кэскиллэрбит, ыччаттар киирэн алгыстаах Оһуокай түһүлгэтин…
Оо, улуу көстүү! Очуос таас үрдүттэн харах ыларынан улуу өрүс иэнэ нэлэһийэр, халлааны кытта силбэһэн,…
2023 сыллаахха Былатыан Ойуунускай аатынан Саха тыйаатырыгар үлэлии кэлбит кэнники көлүөнэ “щепкинэцтэри” көрөөччүлэр хайыы үйэ…