Салгыы
Саҥа оптуобустар улуустарга айаннаатылар

Саҥа оптуобустар улуустарга айаннаатылар

Ааптар:
29.03.2024, 10:45
Андрей Сорокин хаартыската
Бөлөххө киир:

Бэҕэһээ, кулун тутар 28 күнүгэр,  СӨ  Бырабыыталыстыбатын Бэрэссэдээтэлэ Кирилл Бычков кэккэ улуус салайааччыларыгар саҥа оптуобустар күлүүстэрин туттартаата.

“Арассыыйа Бэрэсидьиэнэ Владимир Путин салайыытынан тэриллибит улахан федеральнай бырайыагы олоххо киллэрии чэрчитинэн аналлаах казначейство кирэдьиитин үбүнэн Саха сирэ бастакылар истэригэр оптуобустары тутта. Бу үп 53 оптуобуһу ылан 17 улууска тиэрдэр кыах биэрдэ. Эрдэ Ил Дархан Айсен Николаев 29 оптуобус күлүүһүн туттарбыта, бүгүн мин бу үөрүүлээх үлэни салҕыыбын”, — диэн эттэ Кирилл Бычков.

Саҥа «КАВЗ-4238 CNG», «Вектор NEXT 7.6» уонна «ПАЗ-32053» мааркалаах оптуобустары Бүлүү, Горнай, Мэҥэ Хаҥалас, Нам, Аллараа Халыма, Орто Халыма, Хаҥалас, Мииринэй, Алдан, Үөһээ Бүлүү, Ленскэй улуустара ыллылар.

Валерий Николаев, Үөһээ Бүлүү улууһун баһылыга: 

— Үөһээ Бүлүү улууһугар анаммыт 3 оптуобус  күлүүһүн улуус баһылыгын бастакы солбуйааччыта Егор Дмитриевич Иванов тутта. Эрдэ улуус олохтоохторугар биллэрбитим курдук, чугас сытар нэһилиэктэргэ, улуус киинигэр рейсовай оптуобус  сырыытын чөлүгэр түһэрэри ситиһиэхпит. Үс саҥа  оптуобус улууспутугар кэлэн улуус олохтоохторун сылдьар сырыыларын чэпчэтиэ диэн эрэнэбин.

+1
3
+1
0
+1
0
+1
0
+1
0
+1
1
+1
1
Бары сонуннар
Салгыы
19 июля
  • 17°C
  • Ощущается: 17°Влажность: 94% Скорость ветра: 1 м/с

Сообщить об опечатке

Текст, который будет отправлен нашим редакторам: