Икки сыллааҕыта, 2022 сыл балаҕан ыйын 1 күнүгэр Нам улууһун Хамаҕатта сэлиэнньэтигэр 220 үөрэнээччигэ анаммыт, 50 миэстэлээх интэринээттээх таас оскуоланы үөрүүлээх быһыыга-майгыга аспыттара. Бука, тыа сиригэр маннык көстүү сэдэх буолуо – икки сыл иһигэр үөрэнээччитин ахсаана сүүстэн тахса оҕонон эбиллибит.
Санатан аастахха, интэринээт-оскуола “Үөрэхтээһин” национальнай бырайыак чэрчитинэн тутуллубута. Икки мэндиэмэннээх билии саҥа уораҕайа 5 тыһ. кв.м. иэннээх, үс блоктан турар: үөрэнэр сир, успуорт саала уонна 50 миэстэлээх интэринээт.
Е.М. Шапошников аатынан Хамаҕатта оскуолатын дириэктэрэ Анатолий Дьяконов:
— Саҥа оскуолаҕа киирэн үөрүүбүт улахан, үлэлииргэ-хамсыырга, үөрэнэргэ, сайдарга туох баар усулуобуйа барыта баар буолла. Оҕобут да ахсаана эбилиннэ. Саҥа оскуола тутуллуон иннинэ 170 оҕолоох этибит, оскуола тутуллубутун кэннэ сүүстэн тахса оҕо эбилиннэ. Нам улууһуттан, өрөспүүбүлүкэттэн тиийэ кэлэллэр. Ол курдук, күн бүгүн 285 үөрэнээччилээхпит.
Урукку оскуолабыт мас, 1 тыһ. тахса кв.м. курдук иэннээҕэ. 2015 сыллаахха саахалланар туруктааҕынан билиниллэн, сэттэ сыл устата сэттэ сиринэн үөрэнэн, үлэлээн кэлбиппит. Онно холоотоххо 5 тыһ. кв.м. иэннээх оскуола дыбарыас, бары өттүнэн табыгастаах, тупсаҕай.
Билигин интэринээккэ түөрт уонтан тахса оҕо олорор. Өрөспүүбүлүкэ араас муннугуттан кэлэн үөрэнэллэр (Нам, Дьокуускай куорат, Өлүөхүмэ, Сунтаар, Кэбээйи о.д.а.).
Саҥа оскуолаҕа киириэхпититтэн үөрэх хаачыстыбата биллэ тубуста. Холобур, былырыын 13 оҕо оскуоланы бүтэрбититтэн, 3 оҕо мэтээлинэн түмүктээбитэ, 8 оҕо үрдүк үөрэххэ киирбитэ. Олимпиада финалыгар, “Инникигэ хардыы” билим-быраактыка кэмпириэнсийэҕэ кыттан миэстэлэһэллэр, Арассыыйаҕа тиийэ бараллар.
Быйыл сайын ыытыллар “Азия оҕолоро” норуоттар икки ардыларынааҕы оонньууларга 11 оҕобут өрөспүүбүлүкэ сүүмэрдэммит хамаандатыгар киирээри күүстээх дьарыкка сылдьаллар. Онон “Үөрэхтээһин” национальнай бырайыак баар буолан, оскуола тутуллан үөрүүбүт муҥура суох улахан, — диэн дириэктэр баара-суоҕа икки сыл иһинээҕи харахха көстөр ситиһиилэри кылгастык бэлиэтиир.
Бүгүн, ыам ыйын 17 күнүгэр, Амма улууһугар Олоҥхо ыһыаҕын тэрийэр кэмитиэт мунньахтаата. СӨ Бырабыыталыстыбатын бэрэссэдээтэлин…
2024 сылга Саха сиригэр 76 социальнай эбийиэги тутары былаанныыллар. Олор истэригэр сорох тутуулар национальнай бырайыак…
Бүгүн Кэбээйи улууһун дьаһалтатын социальнай хантараагынан судаарыстыбаннай социальнай көмөнү оҥорууга хамыыһыйа быйылгы сыл 4 ыйынааҕы…
Былырыын Чурапчы улууһугар түөрт оҕоҕо бэйдиэ сылдьар ыттар саба түһэн эмсэҕэлэппиттэрэ. Бэйдиэ сылдьар ыттары көрүүгэ-истиигэ…
Өлүөнэ өрүскэ муус хойуутук устан Дьокуускай, Нам, Мэҥэ Хаҥалас оройуоннарынан ааһар. Уу таһыма Кангаласс микро-оройуонугар…
Бүгүн Ил Дархан Айсен Николаев Арассыыйа-Кытай ЭКСПО-ҕа РФ бэрэсидьиэнэ Владимир Путиҥҥа уонна Кытай норуодунай өрөспүүбүлүкэтин…