Саҥа оскуоланы туруорсубуттара отут сыл буолла

Share

Уус Алдан улууһугар ситэриилээх былаас отчуота салҕанар. Өнөр нэһилиэгэр хас биирдии тыл эппит олохтоох киһи дьоруой М. М. Стрекаловскай аатынан оскуола-саад хаһан тутулларын туруоруста.

Оннооҕор алын кылаас үөрэнээччилэрэ тахсан, ситэриилээх былаас бэрэстэбиитэллэриттэн оскуолабыт тутуутугар көмөлөһүҥ диэн көрдөстүлэр. Аны оскуоланы кытта тэҥҥэ саҥа хочуолунай үлэҕэ киириэхтээх, оччоҕо нэһилиэк аҥара киин ититиигэ көһүөхтээх эбит. Онон оскуола тутуута чахчы тыын боппуруос буолбут. Төһө да альтернативнай тутуунан барыаххытын сөп диэн сүбэлээбиттэрин үрдүнэн, дьон инвестиционнай бырагыраамаҕа киирэн туттарар дьүккүөрдээхтэр. Манна туһааннаах Экэниэмикэ министиэристибэтин федеральнай бырагыраамалары кытта үлэлэһэр департамент үлэһитэ Айсен Илларионов бу сыл бастакы кыбартаалыгар корректировка буоллаҕына, көрүөхпүт диэн эрэл кыымын укта.
Учуутал Наталья Ушницкая үлэлээбитим 30 сылын устатыгар оскуола суоҕуттан, элбэх киһи, учуутал көһөн барда диэн тоһоҕолоон бэлиэтээтэ.
Билигин Өнөр оскуолата үс сиринэн арахсан үлэлии турар. Алын кылаастар 1941 сыллаахха тутуллубут дьиэҕэ үөрэнэллэр.

Антонина Эверстова хаартыската
Антонина Эверстова хаартыската
Антонина Эверстова хаартыската

Онон Кыайыы 80 сылынан Аҕа дойду Улуу сэриитин кыттыылааҕа, Б. Ельцин дьоруой аатын бэрдэрбит М.М. Стрекаловскай аатын сүгэр оскуола тутуллара уолдьаспыт.
Биллэн турар кытыы нэһилиэк кыһалҕата үгүс. Нэһилиэк баһылыга Николай Лукачевскай эппитинэн, ититэр трасса, хочуоллар эргэрбиттэр, онон хайаан да уларыйаллара наада буолбут. Чубучаана үрэҕи туоруур 2000 сыллаахха тутуллубут күргэ эмиэ саҥардыллыан наада эбит. Чох тиэммит уопсайа 60 т ыйааһыннаах массыыналары уйбакка, күргэ алдьанар түгэнигэр өнөрдөр суола-ииһэ суох быстан хаалар кутталлаахтар.
Мантан да атын кэккэ кыһалҕаларын олохтоохтор отчуоттуу кэлбит дьоҥҥо эттилэр. Өссө төгүл оскуолаларын тутуутун тиһэҕэр диэри тиэрдэллэригэр баҕаран баран, бырабыыталыстыба былырыыҥҥы сыллааҕы үлэтин сөптөөҕүнэн сыаналаатылар.

Recent Posts

  • Бэрээдэк
  • Сонуннар

Киһини таас бытыылканан төбөҕө саайбыт Орто Азия олохтооҕо сууттаныаҕа

Саха сиригэр Орто Азия 40 саастаах олохтооҕо охсуһуу кэмигэр киһи доруобуйатын улаханнык эчэппитин иһин сууттаныаҕа.…

12 минут ago
  • Сонуннар

Дьокуускайга Аан дойду иккис сэриитэ түмүктэммит күнүгэр бырааһынньыктааҕы тэрээһиннэр ыытыллыахтара

Балаҕан ыйыгар өрөспүүбүлүкэ киин куоратыгар Аан дойду иккис сэриитэ түмүктэммит күнүгэр анаан бырааһынньыктааҕы тэрээһиннэр ыытыллыахтара.…

29 минут ago
  • Быһылаан
  • Уопсастыба

Билии күнүн иннинэ бэйдиэ сылдьар ыттары тутууга үлэ күүһүрдэ

Билии күнүн иннинэ Дьокуускай куоракка бэйдиэ сылдьар ыттары тутуу үлэтэ күүһүрдэ диэн куорат дьаһалтатын пресс-сулууспатыгар…

41 минута ago
  • Сонуннар
  • Уопсастыба

Дьокуускайга «Ийэ искибиэригэр» павильоннаах сылаас тохтобулу туруордулар

Дьокуускайга Лермонтов уулуссатыгар баар Ийэ искибиэрин тохтобулугар сылаас тохтобулу туруордулар. Бу туһунан киин куорат суолга…

1 час ago
  • Бэрээдэк
  • Сонуннар

Үөһээ Бүлүүгэ дьиэлэри халыыр киһини туттулар

ИДьМ Үөһээ Бүлүүтээҕи салаатын холуобунай кодексын үлэһиттэрэ эрдэ сууттана сылдьыбыт 48 саастаах киһи хас даҕаны…

1 час ago
  • Байыаннай эпэрээссийэ
  • Сонуннар

Михаил Ан СӨ былааһын уорганнарыгар стажировкатын түмүктээтэ

Байыаннай дьайыы бэтэрээнэ, "Саха сирэ -- Дьоруойдар сирдэрэ" каадыр бырагырааматын кыттыылааҕа Михаил Ан СӨ Гражданскай…

2 часа ago