Ааптар түһэриитэ
Кытаанах тобоҕу харайыыга өрөспүүбүлүкэбитигэр хамсааһын тахсан эрэр. Ол курдук, “Экология” национальнай бырайыак чэрчитинэн Дьокуускай куоракка Бүлүүлүүр аартык 27 км. кытаанах бөҕү харайар саҥа полигон тутулла турар.
Онон бөх тоҕор сыбаалка сайыны быһа буруолаата, салгыны киртиттэ, сыта куоракка кэлэр эҥин диэн кэпсэтиилэр мантан инньэ тохтуохтара. Бүгүн манна производственнай тутуулары ыытар уопуттаах “СӨ ОДьКХ” ГУП бу тутуу бастакы түһүмэҕин ыытта. Онон билигин бу сиргэ административнай-бытовой куорпус, таһаҕастаах массыынаны ыйааһынныыр сир, уот ситимэ, былаһаакка иһинээҕи суол-иис, эргиччи тимир күрүө-хаһаа уо.д.а. тутуллубут. Ону тэҥэ бөҕү харайар учаастактар биэс кfарталарыттан иккитэ баар буолара ирдэммитэ.
Остуолга тэлгэммит каартаны көрдөххө, өссө бу былаһааккаҕа туох тутуу барарын туһунан билиэххэ сөп. Производственнай зонаҕа киирсэр эбит: кытаанах тобоҕу харайар учаастак биэс уочаратынан ыытыллар диэн суруллубут. Грунт кавальера, фильтрациялыыр уонна кирдээх уу чүөмпэтэ — регулятора, ыраастаммыт уу пруд-регулятора, хаһаайыстыбаннай зонаҕа: шлагбаумнаах аан, КПП, баһаартан көмүскэнэргэ уулаах резервуардар, уот бардаҕына үлэлэтэргэ дизельнэй уот ыстаансыйата, малы-салы харайар ыскылаат, уматыгы харайар ыскылаат, хонтуруоллуур-дезинфекциялыыр тэрил, бөх контейнердарын былаһаакката, радиацияны хонтуруоллуур ситим уо.д.а.
Кыһын кэлбитэ биллэр. Наһаа улахан 462 кв.м. ордук иэннээх сиргэ тутуулар бэрт ыраахтан көстөллөр. Киһи кэрэхсиирэ диэн, бачча улахан сири-уоту – былаһаакканы кыйа ойуур уота турар куттала суоһаабатын туһугар минерализованнай балаһаны хайы-үйэ оҥорбуттар. Таһаҕастаах массыына ыйааһынын иккини тэҥинэн оҥорбуттар. Тоҕо диэтэххэ, бииринэн массыына киирэн баран, сүөкэнэн тахсарыгар дезинфекцияны ааһан баран тахсар эбит.
Полигону тутуу иккис түһүмэҕэ 2024-2028 сылларга ыытыллыахтаах.
Полигон бастакы түһүмэҕин үлэтин билсэ кэлбит суруналыыстарга СӨ ОДьКХ уонна энэргиэтикэ миниистирэ Вячеслав Емельянов бу полигону тутан киллэрии кытаанах тобохтор тулалыыр эйгэҕэ буортулаах дьайыыларын аччатарга көмөлөһүөҕэ диэн тоһоҕолоон бэлиэтээтэ. Бастакы түһүмэҕи ыытыыны сүрүннээбит “СӨ ОДьКХ “ГУП генеральнай дириэктэрин стратегическай сайдыыга солбуйааччы Лев Соров сиһилии былаһаакка иһигэр кэритэн кэпсээтэ.
Хаартыска: ааптар түһэриитэ
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…