Хаартыска -- Дмитрий Тихонов ТГ-ханаалыттан.
Бүгүн, муус устар 25 күнүгэр, Дьокуускайга Мэҥэ Хаҥалас улууһун дьаһалтатын салалтата уонна Арассыыйа билимин академиятын Сибиирдээҕи салаатын гуманитарнай уонна аҕыйах ахсааннаах хотугу норуоттар устуоруйаларын чинчийэр института бииргэ үлэлииргэ сөбүлэҥ түһэристилэр.
«Улууспут баай историятын үөрэтэргэ туһуламмыт чинчийэр бырайыактар олоххо киирэллэригэр, култуура, үөрэҕирии, билим эйгэлэрэ салгыы сайдалларыгар бу сөбүлэҥ тирэх буолуо диэн эрэнэбин. Институт үлэһиттэрэ бу сайын устата Хаптаҕай нэһилиэгэр, Өлүөнэ эбэни туоруур баараҕай муоста тутуута саҕаламмыт сиригэр киэҥ хабааннаах чинчийэр үлэ ыытыахтара. Бу иннинэ Аллараа Бэстээх бөһүөлэгин уонна Нөөрүктээйи нэһилиэгин икки ардыгар, уруккута Хомпууда диэн сир тумулугар былыргы көмүү көстүбүтүгэр үлэлээбиттэрэ. Анал үөрэтии, чинчийии кэнниттэн XVIII үйэҕэ олоро сылдьыбыт эр киһи көстүүмүн үтүгүннэрэн, саҥардан тигэн киэҥ араҥаҕа таһааран көрдөрүү ыытыллыбыта. Уруккута суох инники суох, бииргэ үлэбит үтүө түмүктээх буоллун, саҥа саҕахтары арыйарга тирэх буолар арыйыылары баҕарыаҕыҥ!» — диэн бэлиэтээтэ бэйэтин ТГ-ханаалыгар улуус баһылыга Дмитрий Тихонов.
Уус Маайа улууһун 51 саастаах олохтооҕор РФ Холуобунай кодексын 159 ыст. 1 чааһынан холуобунай дьыала…
Ил Түмэн 13-с уочараттаах пленарнай мунньаҕар норуот дьокутааттара босхо юридическай көмө оҥоруу туһунан сокуоҥҥа уларытыылары…
“Белый пароход” - ааспаты-арахпаты ахтыы уонна тапталга бэринии икки ардыларыгар сөптөөх быһаарыыны ылыныы судургута суоҕун…
Россельхознадзор Арассыыйа үс халбаһы бородууксуйатын оҥорооччуларын хонтуруолга ылла, диэн биэдэмистибэҕэ иһитиннэрдилэр. Ол курдук “Сочинский мясокомбинат”…
Бүгүн 15.00 чаастан “Хранительницы традиций” диэн Хотугу дойду норуоттарын маастардарын быыстапката аһыллыаҕа. Быыстапка “Аборигенка” национальнай-култуурунай…
Ис дьыала министиэристибэтин Ленскэй оройуонунааҕы отделын дьуһуурунай чааһыгар 332 тыһ. солк. суумалаах тимир күрүө уоруллубутунан…