Хаартыска -- Дмитрий Тихонов ТГ-ханаалыттан.
Бүгүн, муус устар 25 күнүгэр, Дьокуускайга Мэҥэ Хаҥалас улууһун дьаһалтатын салалтата уонна Арассыыйа билимин академиятын Сибиирдээҕи салаатын гуманитарнай уонна аҕыйах ахсааннаах хотугу норуоттар устуоруйаларын чинчийэр института бииргэ үлэлииргэ сөбүлэҥ түһэристилэр.
«Улууспут баай историятын үөрэтэргэ туһуламмыт чинчийэр бырайыактар олоххо киирэллэригэр, култуура, үөрэҕирии, билим эйгэлэрэ салгыы сайдалларыгар бу сөбүлэҥ тирэх буолуо диэн эрэнэбин. Институт үлэһиттэрэ бу сайын устата Хаптаҕай нэһилиэгэр, Өлүөнэ эбэни туоруур баараҕай муоста тутуута саҕаламмыт сиригэр киэҥ хабааннаах чинчийэр үлэ ыытыахтара. Бу иннинэ Аллараа Бэстээх бөһүөлэгин уонна Нөөрүктээйи нэһилиэгин икки ардыгар, уруккута Хомпууда диэн сир тумулугар былыргы көмүү көстүбүтүгэр үлэлээбиттэрэ. Анал үөрэтии, чинчийии кэнниттэн XVIII үйэҕэ олоро сылдьыбыт эр киһи көстүүмүн үтүгүннэрэн, саҥардан тигэн киэҥ араҥаҕа таһааран көрдөрүү ыытыллыбыта. Уруккута суох инники суох, бииргэ үлэбит үтүө түмүктээх буоллун, саҥа саҕахтары арыйарга тирэх буолар арыйыылары баҕарыаҕыҥ!» — диэн бэлиэтээтэ бэйэтин ТГ-ханаалыгар улуус баһылыга Дмитрий Тихонов.
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…